JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PD: Impase polítiku-COVID-19 impede investimentu iha TL

PD: Impase polítiku-COVID-19 impede investimentu iha TL

Xefe bankada PD, António da Conceição “Kalohan”, hateten, investidór sira lakohi halo investimentu iha Timor-Leste, tanba impase polítiku hahú husi tinan 2017 to’o ohin loron seidauk iha serteza no situasaun surtu Corona Virus Disease 2019 (COVID-19) ne’ebé dau-daun ne’e sai preokupasaun mundiál, tanba fó impaktu mós ba ekonomia iha mundu.

“Bankada PD sente impaktu boot hahú husi tinan 2017 ita prolonga to’o ohin loron nia hatodan ho COVID-19 dezenvolvimentu la la’o, tanba inkapasidade atu ko’alia ba malu halo ita-nia dezenvolvimentu paradu, tanba mós COVID-19 mai ita hotu la konvida, hodi fó efeitu negativu ba ita-nia dezenvolvimentu nasaun”, Xefe bankada PD ne’e liu nia intervensaun iha plenária, Kinta (01-09-2020), bainhira debate Orsamentu Jerál Estadu (OJE) tinan 2020 ba loron dahuluk.

Tuir Kalohan, wainhira situasaun normál hanesan bai-bain investidór sira bele mai investe iha Timor-Leste, hodi kria empregu ba Timor-Oan, maibé ho situasaun impase polítiku no COVID-19, impede investidór husi rai-liur atu mia investe.

“Maske balun ne’ebé mak iha ita haree taka dau-dauk, sira ne’ebé mak hahu rejistu negósiu bele konfirma empreza hirak ne’e taka, maske balun sei iha investimentu mós fa’an dau-dauk ona sira-nia investimentu, tanba la fó rendimentu ba sira. Ami hanoin OJE nia fó espasu atu ita bele hala’o servisu ruma durante fulan rua, maibé importante atu fó fali konfiansa polítika atu repoin normalidade iha ita-nia nasaun ida ne’e, importante atu ita haree orsamentu ida ne’e”, tenik deputadu bankada PD ne’e.

Nia akresenta, ho surtu COVID-19 ne’e komérsiu internasionál la la’o, nune’e Governu tenke iha polítika ida oinsa bele hasa’e produsaun iha rai-laran, atu nune’e labele depende de’it ba ai-han importasaun.

“Ne’e hanesan barajen ba ita no atu oinsa haree dezenvolvimentu iha nasaun ne’e hodi bele insentiva elevasaun produsaun nasionál, tanba oportunidade hodi diminui atividade importasaun tenke reforsa iha setór agrikultura”, tenik Kalohan.

Entretantu ho ezisténsia surtu COVID-19 iha mundu halo komérsiu internasionál la la’o no sai hanesan barajen ida mak impede investidór sira atu halo investimentu rai-laran. ety

Lee hotu :   KM aprova orsamentu duodésimu millaun USD 94

Add to Comments Here!!!!

error: Content is protected.
Secured By miniOrange
You might also like:
KUOFKK sai vítima ba verfikasaun dadus veteranu sira

Prezidente Konfederasaun Unidade Organizasaun Frente Kaixa...

Governu prevé tokon USD 708.708 ba fulan Novembru-Dezembru

Primeiru Ministru (PM), Taur Matan Ruak,...

PM Taur haraik-an husu deputadu aprova proposta OJE 2020

Primeiru Ministru (PM), Taur Matan Ruak,...

Close