JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komisáriu CAC husu adjuntu na’in tolu servisu maka’as

Komisáriu CAC husu adjuntu na’in tolu servisu maka’as

Atu apoiu efektividade servisu Comissão Anti Corrupção (CAC) nini’an Komisáriu CAC, Sergio Hornai husu ba adjuntu na’in tolu, hanesan Augusto da Costa Castro, Luis de Oliveira Sampaio no Alexandre Faustino Freitas atu servisu makaas hodi lidera terseiru mandatu Komisáriu CAC iha tinan 2019 to’o 2023.

“Dalaruma ita husu ba malu, tanba sá mak forsa traballu ida ne’e maka bo’ot demais no barak, loos duni ita iha espetativa bo’ot, ita nia hakarak alkansa ita ninia objetivu no mós ita nia meta sira, depende hatur ona iha lei númeru 8/2009, ne’ebé hamosu lei CAC nini’an”, Komisáriu CAC ne’e liu husi ninia diskursu hafoin fó pose ba Komisáriu Adjuntu na’in 3 ne’e iha salaun Sentru Formasaun Jurídika, Caicoli-Díli, Sesta (21-06-2019).

Nia esplika, Komisáriu Adjuntu na’in 3 ne’e koloka ba área tolu, hanesan Augusto da Costa Castro ba Asuntu Investigasaun Kriminal, Luis de Oliveira Sampaio ba Asuntu Prevensaun no Sensibilizasaun no Alexandre Faustino Freitas ba Asuntu Servisu Apoiu no Kooperasaun.

“Há’u hakarak destaka uitoan la-lais de’it hodi reafirma fila-fali saída mak ohin Adjuntu Dotor, Luis fó ninia esplanasaun iha ne’ebá katak, ida ne’e duni mak sai hanesan manifestu ida husi CAC para halo servisu hamutuk, ho nune’e bele fó resposta ba iha espetativa bo’ot ne’ebé mak mai husi komunidade”, akresenta Sergio Hornai.

Nia haktuir katak, esensia husi ezistánsia CAC ne’e atu bele fó seguransa jurídika no mós fó estabilidade jurídika ba sidadaun sira, liu-liu iha polítika kriminalizasaun ba iha korupsaun nini’an, estrutura orgánika CAC kompleta ho Adjuntu na’in 3 hamutuk ho Diretor Jeral na’in 3, Diretór Nasional no sira seluk tan.

Lee hotu :   Kontinua prosesa kazu elementu PNTL Baucau tuda mate Saturlino

“CAC mai ho ninia vizaun prinsipal rua (2), ida oinsa atu halo sensibilizasaun ba iha seitor públiku sira, liu-liu ba funsionáriu públiku Estadu nini’an, para bele kumpri no halo tuir de’it sira nia dever jeral no mós dever espesial ne’ebé hatur ona iha lei, para atu bele halo prestasaun ida dignu ho responsabilidade ba ita nia sidadaun sira seluk wainhira iha konflitu ruma ne’ebé mak mosu ligadu ba iha korrupsaun, tantu iha pekulatu no abuzu de poder”, informa Komisáriu CAC ne’e.

Iha fatin hanesan, Ministru Reforma Lejislativa Asuntu Parlamentar (MRLAP), Fidelis Magalhães, hateten, liu husi Komisáriu Adjuntu CAC na’in 3 ne’e simu pose CAC kompleta ona ninia orgánika, hodi hari’i justisa ba ema ne’ebe sai vítima ba injustisa.

Husi sorin seluk, Adjuntu Komisáriu CAC, Luis de Oliveira Sampaio promete, sei assumi funsaun nu’udar Adjuntu Komisáriu ba sensilizasaun no prevensaun korupsaun hodi promove justisa iha Timor-Leste.

“Há’u sei seriu hamutuk ho komisariu no adjuntu komisariu nain  rua seluk, reinvestigasaun no apoiu koperasaun ninian, hau iha área prevensaun no sensibilizasaun, saída mak ami halo ami hanoin, iha dalan mai iha iniciativa balun neebe mak iha tiha ona, liu-liu ba iha planu nasional, ba combate korupsaun ninian, ida nee sei diskuti atu bele, hetan dalan nomos sei uja ba nível estadu tomak nomos sei halo servisu oinsa ho relevante sira, neebe mak iha reaprevasaun ninian”, tenik Luis.

Partisipa iha serimónia tomada de posse ne’e, husi Presidente Comisaun Funsaun Públika Doutor Faustino Gomes Cardoso, Comisário CAC, Ministru MRLAP Fidelis Manuel Leite Magalãens, Adjuntos Comisários, cargo Diresaun Chefias , Komadante PNTL Munisipiu Dili, Família inklui konvidadus sira. mya

Add to Comments Here!!!!

error: Content is protected.
Secured By miniOrange
You might also like:
Mandatu iha RAEOA besik remata, Alkatiri: Ha’u sei ko’alia ho PM atu kontinua ka la’e

Prezidente Rejiaun Administrativa Espesial Oé-cusse Ambeno...

DIA 24/06/19 || GMNTV LIVE STREAM || DADER KMANEK

DIA 23/06/19 || GMNTV LIVE STREAM || JORNAL NASIONAL KALAN

Close