JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komunidade kontente ho vijilánsia UEP iha tempu kalan

Komunidade kontente ho vijilánsia UEP iha tempu kalan

Komunidade Bebonuk João  da Costa Gama, senti kontente haree prezensa Unidade Espesial Polísia  (UEP) hala’o  vijilánsia  la´o ain no kareta  iha tempu kalan.

“Ha´u kontente lahalimar, ha´u nia hakarak ne´e, patrullamentu ne´e rutina  iha Bebonuk, tanba Bebonuk  ne´e  ita bele koalia fatin konflitu, kuandu patrullamentu hanesan ne´e ha´u kontente los  toba ho  hakmatek. Ha´u husu ba Estadu aktividade hanesan ne´e ténki kontinua, tanba ita nia nasaun foin mak ukun a´an, artemarsiais balun Governu taka ona  gosta  halo problema“,esplika Komunidade João  da Costa Gama nudar vítima, ba  jornalista Sesta (21/06/19),  kalan iha  Aldeia Metin  Bebonuk.

Alende ne´e vijilánsia  Polísia nian, tanba desizaun eskrita hatun husi Komandante Jerál PNTL Komisariu Faustino da Costa ba iha PNTL Munisípiu Díli no UEP. Alende  UEP no PNTL    halo pasa revizta  iha tempu kalan ba motorizadas no kareta sira, atu prevene ema lori sasan kro´at no la´o tama sai bairu, liu-liu iha parte Oeste Postu Administrativu Dom Alexio Munisípiu Díli, liu-liu Ponte Komoro III, Ponte Komunidade País Lingua Portugés Komoro Rotunda Suku Madohi no Suku Bebonuk.

Vijilánsia  UEP iha tempu kalan ne´e,  membru  sira balun uza kilat bo´ot, balun uza pistola.

Operasaun PNTL hala’o, bazeia orden eskrita  husi komandante Jerál PNTL Komisáriu Faustino da Costa, operasaun ne’e la determina tempu.

Antes ne’e iha loron 13 fulan Juñu tinan ne’e, membru UEP husi seksaun Anti Terrorizmu detein joven nain rua, iha Rotunda Komoro Díli, tanba joven nain rua  lori sasan kro’at hanesan tudik.

Gaspar lamenta  ema  estraga nia uma

Nune’e mos, Komunidade João  da Costa Gama, nu’udar vítima lamenta tebes  ho atitude joven nain lima ne’ebé mak hemu tua lanu, depois  hodi  estraga ninia uma iha tempu kalan iha Aldeia Metin 1 Suku  Bebonuk, Postu Administrativu Dom Alexio Munisípiu Díli.

Lee hotu :   Kazu krime no sivíl 187 pendente iha Tribunal Rekursu

“Ha´u loron-loron ba servisu, depois tuku hitu kalan mak ha´u fila uma, ema sira hemu tua  iha uma oin depois sira mai tuda fali  ha´u nia portaun,  iha 11 kalan oras Timor-Leste, maske sira tuda ha´u nia uma, maibe ha´u la halo buat ida, ha´u só  dehan de´it ba joven sira tanbasa  hemu tua lanu la toba ida, maibe joven sira hatan la´os o mak sosa tua mai ami hemu,  ne´e ami nia kusta“,esplika  Komunidade João  da Costa Gama nudar vítima, ba  jornalista Sesta (21/06/19),  kalan iha  Aldeia Metin  Bebonuk.

Nia hatutan,  iha akontesimentu ne´e, halo  ninia familia sira  labele deskansa iha tempu kalan, tanba tauk ba problema  refere akontese fila fali.

Maibe  ho tulun Konsellu Polísiamentu Komunitaria Suku (KPK) Bebonuk, to´o iha fatin akontesimentu,  João  da Costa Gama, informa kedas ba iha KPK no halo identifikasaun ba uma ne´ebé mak hetan estragus, depois KPK kontaktu Polísia Eskuadra Dom Alexio to´o iha fatin refere,  hodi lori joven sira mai iha  Eskuadra hodi halo prosesu investigasaun  hodi kontinua detein iha sela detensaun Komando PNTL Díli.

Xefe Suku Bebonuk Serafin Masado hateten, Bebonuk  uluk hanesan parte área ida  risku, natón sei hola parte iha Suku Komoro, maibe   iha tinan 2017 nakfilak ba Suku Bebonuk , problema komesa redus, la hanesan tempu hirak liu ba.

Tanba iha Suku Bebonuk iha KPK halo aktividade vijilánsia  kalan redus ona  problema balun, la signifika problema hotu ona.

“Ita haree katak, horseik ka horbainrua akontese tan  iha área refere ne´e mós hatudu katak,  ita nia esforsu to´o  ona, maibe sempre  iha konflitu, ne´ebé ami tenta nafatin oinsa halo komunidade bele  toba hakmatek, entaun ho  apoiu tan  husi Unidade Espesial Polísia, ho Polísia Eskuadra  Dom Alexio bele mós fó forsa ba ami“, dehan Serafin Masado.

Lee hotu :   Hotél Timor seidauk iha kontratu ho Governu TL

Kazu ne’e akontese, iha loron 19 fulan Juñu tinan 2019, mais ou menus tuku 11 kalan  oras Timor-Leste.

Suspeitu hirak ne’ebé mak involve iha kazu ne’e/ho inisial DA,OS,JC,CC, no AH.

Antes  ne´e Segundu Komandante PNTL Munisípiu Díli Superintendente Assistente Euclides Belo hateten,  kazu akontese iha  Aldeia Metin 1 Bebonuk, konsidera iha kazu Danu no violensia.

Signifika kazu danu estraga komunidade ninia fasilidade no  joven  sira mós deskonfia halo agresaun fiziku hasoru uma nain  João  da Costa Gama, ninia familia uma laran, ne´ebé rezulta isin bubu iha parte oin no isin lolon.avi

Add to Comments Here!!!!

error: Content is protected.
Secured By miniOrange
You might also like:
Aniversáriu PD ba dala 18, Asanami dezafia militante luta kontra injustisa

Prezidente Partidu Demokratiku (PD), Mariano Asanami...

Komisáriu CAC husu adjuntu na’in tolu servisu maka’as

Atu apoiu efektividade servisu Comissão Anti...

Mandatu iha RAEOA besik remata, Alkatiri: Ha’u sei ko’alia ho PM atu kontinua ka la’e

Prezidente Rejiaun Administrativa Espesial Oé-cusse Ambeno...

Close