JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TDD aplika pena Multa USD 360 ba asesór tékniku GPM

TDD aplika pena Multa USD 360 ba asesór tékniku GPM

Tribunal Distrital Díli (TDD), iha Kuarta, loron 17, fulan ne’e, liu husi leitura akordaun desidi aplika pena multa ba arguidu aktual asesor Gabineti Primeiru Ministru (GPM) ho inisial NLA ho montante osan USD 360, kada loron selu USD2, durante loron 180 nia laran.

Tribunal desidi aplika pena multa ho montante refere ba arguidu, tanba arguidu priense elementu krimi pekulatu de uzu, ne’ebé previstu iha artigu 296, husi kódigu penal Timor-Leste, tanba haree ba rekezitu, priense duni elementu objetu no sujeitu.

Hoo nune’e, iha desizaun final tribunal, liu husi Juíz prosesu fó pena multa USD360 ba arguidu NLA, ho razaun arguidu tula ninia oan iha kareta laran ho ema  seluk, tanba arguidu preokupa no saudade ninia oan, ho razaun ne’e arguidu deside tula ninia oan no ema na’in rua seluk, ho intesaun ema na’in rua ne’e bele haree labarik na’in rua ne’e, nune’e arguidu laiha intensaun atu uza kareta ne’e ba interese privadu.

Enkuantu arguidu hetan prende iha Domingo, loron 30, fulan no tinan ida ne’e, mais ou menus tuku 12:05 husi ekipa konjunta Comissão Anti Corrupção (CAC), Polísia Nasional Timor-Leste (PNTL), Diresaun Nasional Transporte no Terrestre (DNTT) no Diresaun Nasional Patrimóniu Estadu (DNPE), iha área Kulu-Hun de Baixo-Díli.

Alende ne’e tuir investigador CAC, Simpliçio de Sousa Gama hateten, iha momentu ne’ebá sira halo pasa revista no konsege prende kareta ne’ebé arguidu uza, ho razaun laiha karta kondusaun no kareta Estadu marka Toyota Rava ho xapa matrikula 05.246 G laiha karta autorizasaun, maibé só autoriza deit kareta ho marka Fortuna ho xapa matrikula 04.913 G.

Lee hotu :   Falsifika dokumentu veteranu, MP identifika individu iha STAE, KO no Banku

“Ami halo aprensaun, tanba kareta ne’ebé arguidu uza laiha karta autorizasaun, maibé karta autorizasaun ne’ebé ami hetan ne’e kareta seluk ni’an no arguidu mós tula labarik na’in rua ho ema na’in rua seluk iha kareta laran”, dehan sasin refere.

Nune’e mós tuir investigador CAC, Paul Nuno hateten, iha momentu ne’ebá sira fahe ekipa, hodi halo pasa revista no ninia ekipa hala’o iha Kulu-Hun de Baixo, konsenge ka’er arguidu, tanba tula ninia oan no bada’in na’in rua.

“Iha momentu ne’ebá ha’u mak husu ba bada’en ne’e ho lian Baiqueno dehan, imi ba ne’ebé, sira dehan ami ba loja no iha momentu ne’e arguidu laiha karta autorizasaun, hafoin ekipa konjunta halo ona aprensaun mak arguidu telefone ba Xefi Gabineti lori karta autorizasaun, maibé la hanesan”, dehan sasin Paul.

Husi parte arguidu nini’an, sasin Jonata Gonçalves hateten, iha momentu ne’ebá sira nia patraun bolu sira dehan, Joni ho Goris ko’us labarik no ida tuir, maibé to’o Kulu-Hun  Baixo hetan aprensaun husi ekipa konjunta.

“Ha’u tuir nia (arguidu) ba ne’e, sira mós la hatene no sira sai husi uma mai to’o área Kulu-Hun polísia tahan sira, maibé durante tinan hat nia hela ho arguidu halo servisu hanesan bada’in, arguidu nunka tula sira ba festa ka ba pasiar iha tasi ibun no tula sasan privadu ho kareta Estadu, tanba arguidu iha kareta truck ida hodi tula sasan”, informa sasin Jonata.

Hafoin tribunal rona tiha deklarasaun husi parte tolu nini’an, adia fali julgamentu ba loron seluk, hodi rona desizaun.

Audénsia ba julgamentu ne’e prezidi husi Juíz singular, Ivan Suritay, MP reprezenta husi prokurador, Rogerio Viegas no arguidu hetan asisténsia legal husi defensor públiku, Germano Guterres. mya

Add to Comments Here!!!!

error: Content is protected.
Secured By miniOrange
You might also like:
MEJD sei hadia Eskola 100 no Sala de Aula 917

Tuir planu no programa Ministériu Edukasaun...

Klínika Bairo Pité rekopera ho apoiu kompañia sira

Jerente   Klínika Bairo Pité, Inacio da...

Kareta MOPTK soke mate motorista ida iha Railaco

Kareta Estadu, husi Ministériu Obras Pública...

Close