JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

La kumpre Estadu Emerjénsia, Lere orienta PNTL tenke baku

La kumpre Estadu Emerjénsia, Lere orienta PNTL tenke baku

Xefe Estadu Maiór Jenerál FALINTIL Forsa Defesa Timor-Leste (F-FDTL), Majór Jenerál Lere Anan Timur, orienta Polísia Nasionál Timor-Leste (PNTL) atu baku sidadaun ne’ebé la kumpre desizaun Estadu Emerjénsia (EE), hodi prevene-an husi coronavirus (COVID-19).

“Hanesan ohin ha’u dehan tanba durante loron hira nia laran buat ruma la mosu ka la’e, sempre ida de’it sempre aventura, ne’e mak ohin ami ko’alia ho komandante polísia katak, bele toma medidas rejidas, ema mangame ne’e basa, baku ne’e, ha’u hanoin la viola direitus humanus, ita ko’alia-ko’alia la rona ne’e, uluk iha ai-laran ita ko’alia la rona tolok até ameasa, porque ema ida nia indisiplina bele estraga ema rihun ba rihun, ne’e mak sira la komprende. Ne’e la’ós ha’u nia servisu, polísia nia servisu, kuandu ba esklarese, hamaus labele demais, kuandu mate mai ne’e, mate ona, ne’ebé di’ak liu ita tenke koopera malu”, Xefe Estadu Maiór Jenerál  F-FDTL ne’e ba jornalista sira, Tersa (07-04-2020), iha Kuartel Jenerál Fatuhada-Díli.

Prezidente Repúblika (PR), Francisco Guterres “Lú Olo” dekreta EE iha loron 28, fulan Marsu, tinan ne’e, hodi fó kompeténsia ba Polísia Nasionál Timor-Leste (PNTL) iha 12 munisípiu, inklui Reziaun Administrativa Espesiál Oe-Cusse Ambeno (RAEOA), hodi halo sosializasaun, atu nune’e bele limita movimentu komunidade iha fatin públiku sira.

Alende ne’e, Komandante Jerál PNTL, Komisáriu Faustino da Costa, rekoñese, sirkulasaun transporte iha Díli husi loron ba loron amenta hela de’it.

Tanba  ne’e, Komisáriu ne’e dehan, ba oin polísia sei halo auto stop ba kareta privadu sira no halo operasaun ba iha merkadu sira, hodi prevene COVID-19 labele hada’et ba ema seluk.

Lee hotu :   FM apresia PNTL ho F-FDTL implementa EE

 “Ami mós halo avaliasaun fila-fali katak, haree movimentu ne’e kuaze hanesan situasaun normal ne’ebé kareta privadu ami sei check, ema sira iha kareta laran ne’e sé-sé, atu ba ne’ebé, labele dehan la bandu kareta privadu sira, entaun kareta privadu sira sulan ema barak laran la’o ba mai livre hela derepente para iha fatin ida ema tun nakonu, ita sei la halimar ona ho situasaun ida ne’e”, dehan Faustino.

Komandante Jerál PNTL ne’e mós rezeita informasaun balun, ne’ebé mak espalla, katak, komunidade sira husi Díli karik ba munisípiu tenke karantina. avi

 

 

Add to Comments Here!!!!

error: Content is protected.
Secured By miniOrange
You might also like:
Impase polítiku dura to’o agora, Lere : Kria husi líder komanda funu iha ai-laran

Xefe Estadu Maiór Jenerál F-FDTL, Majór...

PR promulga ona pedidu levantamentu FP tokon USD250

Prezidente Parlamentu Nasionál (PN), Arão Noe,...

AMP rejeita mosaun sensura harosu PM no demostrasaun kontra PR

Porta-Voz koligasaun foun AMP (lidera husi...

Close