JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PJR aseita ho esbosu lei difamasaun no injúria

PJR aseita ho esbosu lei difamasaun no injúria

Prokuradór Jeral Repúblika (PJR), José da Costa Ximenes, hatete, nia parte aseita ho esbosu lei difamasaun no injúria ne’ebé prepara ona husi Governu atu nune’e bele respeita dignidade pessoa umana.

“Oinsa pontu de vista prokurador Jeral Repúblika ba lei defamasaun no injuria, ha’u gosta tebes tanba sosiedade  Timor, liu liu sosiedade sivil hahú tau ida ne’e hanesan kestaun ida para sai hanesan debate públiku, balun pro balun kontra, entaun oinsa mak  Prokurador Jeral Repúblika nian pozisaun, ha’u pro ba lei difamasuan, injúria, ha’u nia razaun simples, ita bo’ot sira bele haree iha konstituisaun Repúblika artigu primeiru númeru um iha ne’eba dehan Repúblika Demokratika Timor Leste hanesan Estadu direitu demokrátiku, soberanu independente no unitáriu ne’ebé harii husi povu nia vontade no respeita ba diginidade pessoa humanu no artigu 36 koalia kona-ba  direitu ba onra no privasidade ne’e dehan sidadaun hotu-hotu, ema ida-idak iha direitu ba nia onra direitu ba bom nome no reputasaun”,dehan PJR, José Ximenes ba Jornalista sira Segunda (29/06/2020), iha Palásiu Prezidensial Nicolau Lobato, Bairo Píte, Díli.

Nia fundamenta, Díreitu fundamental ne’ebé konsagra iha konstituisaun, tanba ne’e labele uza líberdade espresaun para limita, para atu bele desfama ema los kalae, materia ne’ebé tenki lori ba deskuti maka bele kalae uza nia direitu atu desfama ema, entaun saida mak ezije husi liberdade, liberdade husi artigu 40 no 41, liberdade ne’ebé ho responsabilidade,  la bele dehan  nia liberdade entaun bele tolok ema tanba ne’e kontra ema seluk nia liberdade, tantu liberdade expresaun ne’ebé ho responsabilidade.

“Ha’u gosta sosiedade sivil sira hato’o sira nia opiniaun, mais sira ne’ebé servisu iha instituisaun estadu, porque ha’u haree sira balun fo komentariu servisu kargu públiku sira la konkorda, ha’u dehan ita la bele afavor ba sosiedade sivil, tanba sosiedade sivil  nia papel kritika duni, ita la bele afavor sosiedade sivil hodi  ignora direitu fundamental sidadaun sira nian”, realsa José.

Lee hotu :   Prezidente TR rekuñese mosu lamentasaun ba rezultadu auditóriu ZEESM

José Ximenes subliña, kestaun rua artigu 1 númeru 1 ne’ebé dehan Estadu ne’e harii hodi respeita ba dignidade pessoal umana nian, ema hotu  bele dehan pessoal umana ne’e saida, defama ema la respeita ema nia reputasaun la respeita ema nia bom nome, ida ne’e respeita dignidade pessoa umana.

Maske nune’e, Sosiedade Sivil, Akadémiku sira no komunidade media sira la konkorda ho polítika Ministériu Justisa nian atu Timor-Leste bele aplika kriminaliza ba difamasaun no injúria, tanba ne’e bele hamate liberdade espresaun no imprensa iha rai-laran. Nune’e sira rekomenda husik lei ne’e iha de’it prosesu sivil la presiza mai penal. Oly 

Add to Comments Here!!!!

error: Content is protected.
Secured By miniOrange
You might also like:
Problema ekonomia, Kompañia Star King hapara traballadór 20

Emprezariu kompañia Star King, Lay Siu...

Padre Domingos Maubere: Hahalok Naimori ho nia grupu kontra doutrina igreja

Pároku Sagradu Kurasaun de Jesus, Domingos...

MTK: Governu sei tetu antes loke fali ligasaun aéreo

Ministru Transporte no Telekomunikasaun (MTK), José...

Close