JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komisaun A PN altera títulu LAK

Komisaun A PN altera títulu LAK

Komisaun A ne’ebé trata asuntu konstituisaun no justisa iha Parlamentu Nasionál (PN) altera títulu Lei Anti Korupsaun (LAK) ba medida prevensaun no kombate korupsaun, tanba iha proposta anterior, koalia de’it ba lei kontra korupsaun.

Tanba ne’e, lei refere la’ós hanaran ona LAK, maibé hanaran medida prevensaun no kombate korupsaun.

Proposta alterasaun ba títulu lei refere aprezenta husi deputadu bankada FRETILIN, Francisco Miranda Branco, Dário Madeira no deputadu PLP, Francisco de Vanconcelhos.

“Razaun komisaun A altera títulu LAK ba medida kombate korupsaun iha proposta anterior koalia de’it ba lei kontra korupsaun, Ho nune’e, komisaun A hamosu kapítulu rua hodi koalia kona-bá prevensaun ba korupsaun no deklarasaun de bens, tanba kapítulu ne’e tama ona ho nia impaktu iha kapítulu ida ikus liu kona-bá dezpozisoens finál. Tanba ne’e, lei refere la’ós hanaran LAK, maibé hanaran medida prevensaun no kombate korupsaun. Proposta mai fou-foun artigu 20 resin de’it, iha tinan ida ami pending, ami peskiza sai 100 e tall artigu konsege aprova horiseik, ami aprova mós relatóriu parser, ohin ha’u ba asina nota enkaminamentu ne’e”, deputadu bankada FRETILIN, Joaquim dos Santos ba jornalista sira iha PN, Sesta (10-07-2020).

Nia akresenta mós katak, kona-bá atu aprezenta ba plenária ne’e depende ba Prezidente PN, maibé komisaun A finaliza ona relatóriu, hodi aprezenta ba Prezidente PN.

“PN aprova estrutura ida matéria rua ne’e laiha laran, hafoin komisaun rona públiku nia hanoin, hafoin komisaun halo fali formulasaun foun. Lei refere subtánsia la’ós de’it kona-bá krime mós atu halo prevensaun entidade públiku ne’ebé hetan fiar husi Governu hanesan asume kargu xefia, membru Governu no deputadu sira, to’o Prezidente Repúblika, hodi ajuda sira labele halo korupsaun no subtánsia mak obriga ita muda nia títulu”, haktuir Joaquim.

Lee hotu :   Kazu tentativa omisídiu aman-oan iha Hera, TDD aplika medida rua ba arguidu sira

Xefe bankada CNRT, Duarte Nunes, hateten, maneira di’ak liu atu labele iha korupsaun tenke halo prevensaun no kombate korupsaun.

“Ha’u hanoin maneira di’ak liu atu halo korupsaun, ne’e tenke iha prevensaun uluk kedas, iha prevensaun, ita halo kombate korupsaun, sé ita konsege prevene korupsaun laiha lori mai iha PN mak ita haree to’ok. Maske bankada FRETILIN no PLP mak aprezenta no muda títulu ne’e, maibé seidauk hetan briefing, tanba lei refere halo prevensaun no kombate korupsaun“, tenik Duarte.

Entretantu iha loron 9, fulan Jullu ne’e, Komisaun A PN termina no aprova ona lei númeru 1/V/primeiru medida prevensaun no kombate korupsaun, ho nia artigu hamutuk 120. Ety

Add to Comments Here!!!!

error: Content is protected.
Secured By miniOrange
You might also like:
Deskonfia membru PNTL jura ba partidu KHUNTO, Vise Ministru Interior konsidera isu de’it

Vise Ministru Interiór, António Armindo, hateten,...

RFTL sei dezloka ba munisípiu 12, inklui RAEOA hodi halo análize ba jéneru

Hahu iha fulan Jullu, Rede Feto...

Papa Francisco kontinua akompaña situasaun TL ho orasaun

Reprezentante Vatikanu Iha Timor-Leste, Monseñor Marco...

Close