JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN kondena aktu membru F-FDTL ho PNTL halo agresaun fíziku ba komunidade

PN kondena aktu membru F-FDTL ho PNTL halo agresaun fíziku ba komunidade

Deputadu komisaun B Parlamentu Nasionál (PN) ne’ebé trata asuntu Defeza, Seguransa ho Negosiu Estranjeiru, David Diaz Ximens “Mandati”, kondena maka’as aktu membru Falintil-Forsa Defeza Timor-Leste (F-FDTL) ho Polísia Nasionál Timor-Leste (PNTL) ne’ebé mak halo agresaun fíziku hasoru komunidade.

Tanba tuir membru PN ne’e katak, lei laiha atu seguransa rua ne’e uza forsa hasoru nia povu rasik, tanba sira (F-FDTL-PNTL) mak proteje nia populasaun, la’os haterus fali nia povu.

Ho nune’e, membru Parlamentu Nasionál ne’e, husu parte relevante sira atu prosesa oknum ne’ebe halo agresaun fíziku ba populasaun, tanba aktu refere la merese eziste tan iha Estadu direitu demokrátiku ne’ebé ukun rasik an ona, hafoin povu barak sofre ba militár Indonézia nia liman.

Tanba ne’e la’os ona tempu, povu  atu terus tan ba seguransa forsa sira nia liman fatin.

“Ba ha’u kondenavel, hein katak sira F-FDTL-PNTL nia komandante sei rekore ba leis, para depois halo justisa ba sira nia ema, uma forma de edukasaun. Uluk ita hakarak independensia, tantu polísia ka tentara sira mai iha ne’e baku baku no tebe ita, maibe agora ita ni’an mós halo tan fali hanesan ne’e, ita atu ba ne’ebé. Tanba ne’e ba ha’u kondenavel, ohin loron iha lei, lei maka tenke funsiona, para depois ita hotu edukadu tuir leis”, afirma Mandati.

Alende ne’e, hanesan veteranu, Mandati husu ba Seguransa PNTL ho F-FDTL, atu utiliza atributu hanesan farda tuir dalan ne’ebé loos, hodi proteze sidadaun, la’os sai fali inimigu.

“Ita nia forsa sira ne’e atu defende ninia populasaun, no polísia atu asegura sira nia seguransa, maibe agora sira mak halo uluk fali ne’e laloos, tanba polísia iha métodu oi-oin halo atuasaun, para depois nia labele halo aat ema seluk, maibe uza fali forsa ne’e ita haree took depois justisa ne’e sei fó desizaun oinsa”, esplika deputadu deputadu komisaun B PN ne’e.

Lee hotu :   FRANCISCO BORLACO TAMA KADEIA TINAN HITU

Mandati hatutan, kazu refere PN seidauk simu keixa ruma, maibe akompanha de’it liu husi Facebook, hein katak komandante sira halo ona desizaun ruma ba nia membru sira ne’ebé halo agresaun refere.

Antes ne’e, mosu ona kazu, membru F-FDTL komponente naval, ho PNTL halo agregasaun fíziku, hasoru abitante ida iha iha munisipíu Liquica.

Kazu hanesan, akontese mós iha bairu Manu-meta Rai-Hun, suku Villa Verde, iha loron 23, fulan ne’e, iha membru F-FDTL balun halo asaun krime ba komunidade ida, to’o rezulta vítima sofre agrava no bubu iha isin lolon. Say

Add to Comments Here!!!!

error: Content is protected.
Secured By miniOrange
You might also like:
FRETILIN hakfodak ventiladór ba COVID-19 ida de’it

Deputada bankada FRETILIN, Maria Angélica dos...

Konfrontu iha DIT, rezulta ema ida kanek todan

Abitante ida hetan sona hafoin konfrontu...

MF: Ema balun tenta hatama dokumentu hodi simu suplementu remuneratóriu

Ministru Finansas (MF), Fernando Hanjam, afirma,...

Close