JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ekipamentu la sufisiente, Bombeirus difísil halo intervensaun ba inséndiu

Ekipamentu la sufisiente, Bombeirus difísil halo intervensaun ba inséndiu

Sekretáriu Estadu Protesaun Sivíl (SEPS), Joaquim José Gusmão dos Reis Martins, informa, ekipa Bombeirus hasoru difikuldade atu halo intervensaun ba inséndiu ne’ebé akontese ba armazén iha Bebonuk Fau-Laran, tanba ekipamentu atu fasilita ba inséndiu iha área industriál ni’an la sufisiente.

“Ita-nia fasilidade la to’o no ita-nia rekursu ne’ebé mak iha só bele kombate de’it inséndiu urbana sira, hanesan ahi-han povu nia uma, maibé ba zona indústria no armazenamentu ho sasan sira ne’ebé ahi-sunu la-lais hanesan ita haree iha ne’e roda mak barak, iha óliu kala bidon 20 iha laran, ida ne’e lakan-mate susar la halimar, ho bee de’it ita labele hamate”, SEPS ne’e ba GMN iha Bebonuk Fau-Laran, Segunda (14-09-2020).

Tuir observasaun ne’ebé GMN halo iha terenu hatudu katak ekipa Bombeirus hamutuk ho PNTL, inklui apoiu husi kompañia lokál no komunidade kontinua servisu maka’as hodi hamoos foer husi inséndiu ne’ebé akontese iha armazen Bebonuk, iha Domingo, semana ne’e, mais ou menus tuku 03:00 lokraik.

Maske ekipa hirak ne’e servisu kuaze oras 24 ona, maibé seidauk bele hamate ahi suar ne’ebé iha fatin inséndiu, tanba armazen ne’e nakonu ho óliu no peneu husi kompañia Cahaya, inklui armazen ai-moruk husi kompañia Foho Osan Mean ni’an.

“Ita-nia kareta Bombeirus mai hotu kedas 7 no unidade espesiál 2 iha Comoro no 3 mai tan mós la konsege, PT Pertamina mai tan mak konsege hatun ahi, signifika katak ita presiza eleva tan ekipamentu atu kombate ahi ne’ebé uza mós Fom no mós farda protesaun pesoál ni’an no mós mangeira ne’ebé kuak barak presiza atu stocking”, dehan Joaquim.

Lee hotu :   MP husu TDD tetu desizaun ba ta’a membru PNTL

Sekretáriu Estadu Ambiente (SEA), Demétrio do Amaral de Carvalho, hateten, inséndiu ne’e mós atu enkoraja empreza hotu iha Timor-Leste atu iha planu jestaun ambiente di’ak, nune’e bele proteje sira-nia negósiu.

“Empreza ne’e inklui empreza sira ne’ebé seidauk iha lisensa ambiente iha Timor, ita halo ona xamada hodi halo prosesu ba armazenamentu tuir dekretu lei númeru 5/2011 hateten, armazenamentu ne’ebé uza tamañu boot liu 5 hektares mínimu lisensa ambientál, sa tan nia uza sasan sira ahi-han fásil hanesan óliu no sasan sira seluk, hanesan ai-moruk no roda sira ne’e tenke asegura liu husi planu jestaun ambientál di’ak ba kombate ahi”, esplika Governante ne’e.

Komunidade Faulara, Isabel Francisa Filipe mos preokupa, tanba ho inséndiu ne’e traballadór balun tenke lakon sira-nia servisu, inklui nia oan rasik ne’ebé hela iha área refere.

Estragus husi inséndiu ne’e seidauk bele identifika, tanba sei iha prosesu investigasaun nia laran, maibé Governu rasik liu husi SEA sei esforsu hodi kombate kontaminasaun bee no óliu foer ne’ebé sulin ba tasi, atu bele reduz impaktu negativu ba ambiente. ida

Add to Comments Here!!!!

error: Content is protected.
Secured By miniOrange
You might also like:
Governu aprezenta OJE 2020 USD billiaun 1.4 ba PN

Sekretária Meza Parlamentu Nasionál (PN), Lídia...

Impaktu husi COVID-19, FRETILIN: Prosesu dada kadoras mai TL komplikadu

Deputada bankada FRETILIN, Josefa Alvares, hateten,...

MPRM: Laiha nesesidade halo revizaun ba relatóriu FM husi maun Xanana

Ministru Petróleu Rekursu Minerál (MPRM), Vitór...

Close