Defende labarik sira, Governu kria Institutu Públiku Direitu Labarik

Liu husi Konsellu Ministru (KM), iha Kuarta (25/11/2020) ne’e aprova ona ho alterasaun projetu Dekretu Lei ne’ebé kria Institutu Nasionál Direitu Labarik I.P. ho nia estatutu sira. Projetu ne’e aprezenta husi Vise Primeira Ministra (PM) no Ministra Solidariedade Sosiál no Inkluzaun (MSSI), Armanda Berta dos Santos.

“Antes ne’e ita iha Komisaun Nasionál Direitu Labarik (KNDL), maibé ho muda tiha ba Institutu Públiku ne’e atu garante di’ak liu kontrolu ezekutivu ne’ebé di’ak liu no atu responde ho la-lais, em vez de ita iha aranju ne’ebé ladún bele atu responde la-lais ba orientasaun husi diretiva sira ne’ebé mak ezekutivu rasik hakarak atu fó, atu nune’e bele avansa ho la-lais ona ita-nia polítika sira relasiona ho promosaun no protesaun direitu labarik sira nian iha ita-nia rain”, Ministru Prezidénsia Konsellu Ministru (MPKM), Fidelis Magalhães.

Tuir Governu Institutu Públiku ne’e susede, iha direitu obrigasaun no patrimóniu sira hotu ba KNDL nian no nia misaun mak kontribui ba promosaun defeza salva guarda no akompañamentu direitu labarik sira nian iha Timor-Leste. oct