JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu omisídiu iha Taibessi, PNTL sei kaptura suspeitu LS

Kazu omisídiu iha Taibessi, PNTL sei kaptura suspeitu LS

Polísia Nasionál Timor-Leste (PNTL) promete sei kaptura suspeitu LS, ne’ebé deskonfia envolve sona mate negosiante ida iha Taibessi, Díli.

Kazu omisídiu ne’e envolve suspeitu  na’in rua ho inisiál LS no JA, tanba uza tudik sona Ernesto dos Santos no ikus mai tenke husik hela mundu ne’e.

Husi akontesimentu ne’e, Polísia Eskuadra Nain-Feto kaptura ona suspeitu JA, hodi detein iha sela no suspeitu LS hala’i subar-an husi ninia responsabilidade krime.

Ho nune’e, Segundu Komandante PNTL munisípiu Díli, Superintendente Euclides Belo, hateten, Polísia sei halo auto notifikasaun ba Ministériu Públiku (MP), hodi halo kapturasaun ba suspeitu LS.

“Vítima hetan sona ho tudik husi suspeitu, deskonfia iha suspeitu na’in rua, na’in ida Polísia kaptura no detein ona iha sela deténsaun ho inisiál JA, hodi aprezenta ba iha tribunál. Suspeitu seluk fali PNTL aposta  hela ninia identidade kompletu, maibé seidauk kaptura tanba hasees-an husi fatin akontesimentu iha Díli. Tanba ne’e mak PNTL aposta ona suspeitu ninia identidade kompletu, fotográfia kompletu, PNTL seksaun husu ona ba iha MP para promove depois bele hetan mandadu. Ida ohin ha’u temi JA ne’e mós atu desvia, maibé ita kaer iha Tasi Tolu. Suspeitu ida hala’i ne’e sedu ka tarde ita sei kaptura”, Segundu Komandante PNTL munisípiu Díli ne’e liu husi konferénsia imprensa iha Kuartel Polísia Caicoli-Díli, Segunda (30/11/2020).

Kazu omisídiu ne’e akontese iha Sabádu (28/11) mais ou menus tuku 12:45 madrugada oras Timor-Leste, iha fatin estasiónamentu merkadu Taibessi.

Hafoin akontese kazu refere, mate-isin transporta ona mai iha mortuáriu Hospital Nacional Guido Valadares (HNGV), hodi submete ba prosesu autópsia.

Matebian dos Santos orijin husi suku Bere-Lau, postu administrátivu Lequidoe, munisípiu Aileu, nu’udár negosiante iha merkadu Taibessi.

Suspeitu LS no JA mós kontra lei númeru 5/2017 arma branka bandu ema kaer sasan kro’at, hodi hakanek no habadak ema seluk nia vida. avi

Lee hotu :   Komando PNTL kontinua buka tuir suspeitu ta’a ajente polísia Inacio

Add to Comments Here!!!!

error: Content is protected.
Secured By miniOrange
You might also like:
KE-KSDS apoia PR kontinua aplika EE daualu

Prezidente Repúblika (PR), Francisco Guterres “Lú...

Gasta osan barak iha RAEOA laiha rezultadu, MNDK husu MP investiga Mari Alkatiri

Movimentu Nasionál Defende Konstituisaun (MNDK) RDTL,...

CNRT: PR Lú Olo curhat nia erru iha diskursu 28 de Novembro

Bankada CNRT konsidera Prezidente Repúblika (PR),...

Close