JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Laiha droga iha Estatua Nossa Senhora

Laiha droga iha Estatua Nossa Senhora

Estatua Nossa Senhora de Assunção ne’ebé mak antes ne’e deskonfia droga iha laran, hafoin ko’a husi Mekániku Polísia Nasionál Timor-Leste (PNTL), la hetan objetu ruma iha estatua laran.

Estatua ne’e ko’a uza mákina gurinda iha Kinta, loron 21, fulan Janeiru, tinan 2021, lorokraik tuku 15:00 oras Timor-Leste no asiste diretamente hosi ekipa konjunta PNSIK, Polísia Militár, Servisu Nasionál Intelijénsia no Alfándega.

Komandante Jerál PNTL, Komisáriu Faustino  da Costa, agradese ba madre kongresaun ADM ne’ebé koopera tebes,  hodi entrega estatua Nossa Senhora  ba PNSIK hodi koa estatua ne’e, nune’e bele deskobre objetu droga duni ka lae.

“Ami hato’o agradese wa’in, tanba madre sira bele koopera teb-tebes lori estatua ne’e mai, ita-nia intensaun ida de’it mak bele responde ba públiku katak, buat ne’e mak hanesan ne’e, para nune’e ema hotu bele hela ho informasaun ne’ebé mak klaru. Tanba dalaruma ita la ko’a hodi hasa’i ema bele deskonfia hanesan ne’e nusa mak laiha asaun ruma hodi haree di-di’ak ida ne’e. Hodi komando nia naran agradese, ha’u sei oriénta fali ekipa sira kria fali kondisaun di’ak ba estatua ne’e hodi bele lori ba iha Lospalos”, afirma Komandante Jerál PNTL liu husi nia lia menon hafoin observa ekipa ko’a estatua Nossa Senhora ne’e.

Alende ne’e, Madre Goretti ADM, rekoñese sira mak hatama estatua ne’e hosi Pejaksana Yogyakarta Indonézia atu lori ba Lospalos.

“Estatua ne’e rasik seidauk book no seidauk fó bensaun ruma, ne’ebé ami mós ho haraik-an entrega ba polísia lori mai atu ko’a sai, hodi deskobre loloos saída mak iha estatua nia-laran”, dehan Madre Goretti.

Estatua Nossa Senhora de Assunção ne’e, Madre Konventu Kasih Mulia ADM Lospalos hamutuk ho Parókia Lospalos importa liu hosi fronteira terreste to’o iha Postu Integradu Batugade iha loron 2, fulan Dezembru, tinan 2020 no lori ba Lospalos iha loron 5, fulan Dezembru, tinan 2020. avi

Lee hotu :   Kazu Lere nia oan mane hein submete ba Tribunal

Add to Comments Here!!!!

error: Content is protected.
Secured By miniOrange
You might also like:
PM Taur prontu simu primeiru vasina COVID-19

Programa vasina Corona Virus Disease 2019...

La simu saláriu tinan rua, PN sei haruka karta ba kompañia

Komisaun E iha Parlamentu Nasionál (PN)...

Fretilin fiskaliza Sesta Bázika hodi taka falta

Deputada bankada CNRT, Maria Barreto Gorumali,...

Close