JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere promove ba Tenente Jeneral, Falur ba Majór Jenerál

Lere promove ba Tenente  Jeneral, Falur ba Majór Jenerál

Prezidente Repúblika (PR), Francisco Guterres Lú Olo, Sesta (26/2/2021), sei promove Xefe Estadu Maiór Jenerál F-FDTL Majór Jeneral Lere Anan Timur ba Tenente Jenerál no Brigadeiru Jenerál Falur Rate Laek ba Majór Jenerál.

Alende ne’e Xefe Estadu Maiór F-FDTL Koronel Calisto Santo ‘Coli Coliati’, promove ba Brigadeiru Jenerál no Kapitaun Mar de Guerra Donaciano da Costa Gomes ‘Pedro Klamar Fuik’, promove ba Comodoro de Naval ne’ebé mak iha área infantéria hanaran Brigadeiru Jenerál.

Tuir komunikadu imprénsa  husi média Palásiu Prezidensiál  katak, promosaun deviza ne’e sei hala’o iha Palásiu Prezidensiál Bairo-Pite, Díli, no Prezidente Repúblika mak sei prezide serimonia promosaun ne’e.

Promosaun ba postu ofisiál Jenerál no Jenerais bazeia ba Estatutu Militár F-FDTL Foun ne’ebé aporova liu-husi Dekretu-Lei númeru 33/2020, 2 setembru.

Tuir Estatu Militár F-FDTL Foun númeru 1 husi artigu 261 hateten, kargu Xefe Estadu-Maiór Forsas Armadas okupa husi militár ida ho postu Brigadeiru-Jenerál ou Komodoro.

Promosaun ba Donaciano Gomes atu viabiliza oportunidade ba ninia funsaun iha futuru hodi lidera misaun internasionál sira ba manuntensaun paz ne’ebé organiza husi Nasaun Unida.

Númeru 1 husi artigu 260 Dekretu-Lei ne’e hateten katak, Vise-Xefe Estadu-Maiór-Jenerál Forsas Armadas okupa husi militár ida ho postu Major-Jenerál ou Kontra-Almirante.

Estatu Militár F-FDTL Foun iha artigu 259 númeru fó-sai katak kargu Xefe Estadu-Maiór-Jenerál Forsas Armadas okupa husi militár ida ho postu Tenente-Jenerál ou Vise-Almirante.

Dispozisaun Estatutu Militár F-FDTL Foun obriga Governu atu aprezenta ba Prezidente Repúblika atu halo promosaun ba postu ofisiál Je­nerál no Jenerais hodi ezerse sira-nia funsaun.

Calisto Santos Coli ‘Coliati’ iha fevereiru 2011 promove sai koronel no hahú okupa kargu Xefe Estadu-Maiór iha outubru 2018.

Lee hotu :   Coronel ‘Coliati’ garante sei lamosu familiarismu iha rekrutamentu F-FDTL

Donanciano Gomes ‘Pedro Klamar Fuik’ hetan promosaun ba Kapitaun Mar-e-Guerra iha 2010 no nomeadu ba Diretór Institutu Defeza Nasio­nál iha 2012.

Domingos Raul ‘Falur Rate Laek’ hetan promosaun ba Brigadeiru-Jenerál iha juñu 2018 no komesa oku­pa kargu Vise-Xefe Estadu-Maiór-Jenerál iha outubru tinan hanesan.

Lere Anan Timur he­tan promosaun ba Brigadeiru-Jenerál no oku­pa kargu Vise-Xefe Estadu-Maiór-Jenerál iha novembru 2009. Promove ba Maiór-Jenerál no hahú ninia funsaun nu’udar Xefe Estadu-Maiór Jenerál F-FDTL iha outubru 2011.

 “Promosaun ida ne’e halo ita haree ba sira-nia kontribuisaun, tanba ne’e haree ba iha lei promosaun sira to’o duni tempu ona atu halo promosaun”,esplika Diretór Ezekutivu Fundasaun Mahein ba jornalista sira Kinta (25/02/2021), iha FONGTIL, Caicoli, Díli.

Nia dehan, haree husi kontribuisaun, bainhira transforma Forsa Armada Libertasaun Nasionál Timor Leste (FALINTIL), ba iha F-FDTL to’o ohin loron, tanba ne’e sira merese duni atu hetan títulu promosaun. avi

Add to Comments Here!!!!

error: Content is protected.
Secured By miniOrange
You might also like:
Kazu pozitivu COVID-19 iha Fatumean aumenta ba hitu

Ekipa Vijilánsia Epidemiolójika no Laboratóriu, halo...

UPF no F-FDTL kontinua pasa revista ba komunidade Covalima

Unidade Patrullamentu Fronteira (UPF) no FALINTIL-Forsa...

Kazu MCS nia mate, PNTL seidauk suspeita ema ruma

Polísia Nasionál Timor-Leste (PNTL) munisípiu Díli...

Close