JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

VMI: La’ós ha’u mak haruka PNTL kaptura Arnaldo

VMI: La’ós ha’u mak haruka PNTL kaptura Arnaldo

Vise Ministru Interior (VMI), António Armindo, rejeita informasaun ne’ebé fó sai iha media katak, nia simu orientasaun husi Konselleiru Máximu partidu KHUNTO, José dos Santos “Naimori Bukar” hodi haruka polísia ba kaptura Arnaldo Mendes Ribeiro iha nia uma Manleu.

“Ha’u hakarak informa ba públiku katak, temi ha’u-nia naran dehan ha’u mak lori polísia sira ba halo kapturasaun, ha’u atu dehan katak, informasaun ne’e la los, no ne’e hanesan polítika ida para atu dun ita ne’e la los, tamba iha momentu ne’ebé akontese ha’u enkontru ho Vise Primeira Ministra ho líder supremu iha sira-nia knua, entaun ita-nia seguransa ne’ebé fó seguransa ba Vise Primeira Ministra no mos líder supremu haksesuk malu ho lian boot iha kraik ne’eba lian bo’ot, barullu, entaun ha’u mos hamrik sai ba haree, paz ha’u ba haree no polísia sira mos to’o mai, entaun ha’u mos hamrik haree uma nain Arnaldo diskute malu hela ho eskoltu ne’e. Mas ha’u hamrik la kleur ha’u hamrik tama fali ba enkontru ho líder supremu. Ne’ebé dehan katak, ha’u mak lori PNTL ba kaptura ne’e la los”, dehan Vise Ministru Interior, ne’e ba Jornalista sira, liu husi konferénsia ba imprensa iha salaun Ministériu Interior, Caicoli, Kinta (4-03).

Vise Ministru Interior ne’e esplika katak, ninia prezensa iha fatin akontesimentu ne’e, atu halo enkontru ho Vise Primeira Ministra, ho Konselleiru Maxímu partidu KHUNTO Naimori Bukar.

Nia dehan, la’ós nia mak  interven servisu PNTL nian, tanba polísia ne’e ba povu Timor-Leste tomak, la’ós ba pesoál ka grupu balun nian de’it.

“Kapturasaun ne’e ema iha mandadu kapturasaun mak halo kaptura, agora polísia ba ne’e signifika nia hatene informasaun husi membru ruma, tamba iha ne’eba seguransa barak nune’e balun kontaktu hodi ba haree aktu ne’e saida. Tamba ne’e ha’u husu ba públiku atu hatene, polísia ne’e ema hotu ninia, la’ós ha’u mak lori polísia ba halo kapturasaun no polísia la’ós ba ema ida, grupu balun deit”,dehan António Armindo.

Lee hotu :   Deskonfia envolve kazu omisídiu iha Taibessi, TDD aplika aprezentasaun periódika ba JA

Governante ne’e dehan ninia prezensa iha fatin akontesimentu, maibe la koalia ho sidadaun sira iha ne’eba, no sasán ne’ebé sira uza hodi taka portaun dadaun iha polísia, ne’e servisu polísia nian, tamba ne’e polísia mak foti la’ós nia mak ba foti, nia labele inteven, tamba ne’e servisu polísia nian.

PNTL Eskuadra  Dom Aleixo, kaptura abitante Arnaldo Mendes Ribeiro, iha Tersa (2/03) ne’e,  mais ou menus tuku 10:00 OTL kalan, iha  nia rezidénsia área  Efaca, Suku Manleu, Postu Administrativu Dom Aleixo, Munisípiu Díli.Tos

Add to Comments Here!!!!

error: Content is protected.
Secured By miniOrange
You might also like:
Gabriel de Sá hakotu iis tanba sofre moras kardíaku

Vise Reitor Asuntu Pos-Graduasaun no Peskiza...

Kalohan husu PPN atu ajenda ona ninia imunidade

Xefe bankada Partidu Demokrátiku (PD), António...

PNTL rejeita transporte hotu paradu iha EE da-11

Portavoz Polísia Nasional Timor-Leste (PNTL) Superintendente...

Close