JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Bankada AMP husu PR kria diálogu ■ FRETILIN-PD hasoru PM Taur

Bankada AMP husu PR kria diálogu ■ FRETILIN-PD hasoru PM Taur

Reprezentante Bankada Aliansa Maioria Parlamentar, husu ba Prezidente Repúblika (PR), Francisco Guterres ‘Lú Olo’ atu kria diálogu hodi rezolve problema rai laran.

Hafoin sorumutu ho PR Lú Olo, iha Palásiu Prezidensial Nicolau Lobato, Bairo Pite, Díli, Kinta (13/9/2018), portavoz Bankada AMP, Francisco Vas Conselhos hateten, objetivu husi sorumutu ne’e alende husu Prezidente Repúblika atu kria diálogu hodi solusiona problema no dezafiu sira ne’ebé mak Governu infrenta liu-liu formasaun VIII Governu Konstitusional, ne’ebé to’o agora seidauk kompletu no objetivu seluk mos atu fo votus parabens ba PR relasiona ho nia aniversáriu ba dala 64 ne’ebé selebra foin lalais ne’e.

“Ita bo’ot sira hatene katak liu ba ita-nia PR selebra aniversáriu, tanba ne’e mak ami mai iha ne’e atu sauda PR no fo parabens ba PR; segundo lugar ami mai iha ne’e atu koalia ho PR kona ba situasaun polítika rai laran nian, aprezenta preokupasaun ba PR hodi rezolve, liu-liu preokupasaun ba membru Governu ne’ebé mak sei pendenti hela, ida ne’e mak ami hato’o ba PR,”Portavoz Bankada AMP, Francisco Vas Conselhos ba Jornalista sira iha Palásiu Prezidensial, Bairo Pite, Díli, Kinta (13/9/2018).

Francisco hateten, atu subtitui membru Governu ne’ebé mak PR rejeita fo pose ne’e kompetensia Governu nian maibe nu’udar orgaun lejislativu ne’ebé mak aprova OJE tinan ne’e tenki koalia ho Prezidente hodi buka solusaun tamba pasta balun sei mamuk ne’ebé nia implikasaun sei bo’ot.

Entretantu, tuir nia, Prezidente Repúblika (PR), Francisco Guterres ‘Lú Olo’ disponivel atu solusiona problema hotu ne’ebé mak iha.

FRETILIN-PD enkontru ho PM Taur

Prezidenti Partidu Demokrátiku, Mariano Assanami Sabino, ho lider másimu FRETILIN, David Dias Ximenes, hasoru malu ho Primeiru Ministru, Taur Matan Ruak, iha Palásiu Governu, hodi koalia kona-ba polítika rai laran.

Lee hotu :   Arão - Fidelis Jerasaun foun lahanoin atu hafahe lider nasional

Ajenda Xefi Governu nian, hodi enkontru ho lideransa husi partidu rua ne’e separadu. Enkontru dahuluk Primeiru Ministru, Taur Matan Ruak ho Prezidenti Partidu Demokrátiku, durante minutu tolu nulu nia laran, hafoin ne’e kontinua fali sorumutu ho lideransa partidu FRETILIN David Dias Ximenes ‘Mandati’.

Hafoin enkontu ho Prezidenti Partidu Demokrátiku, bainhira jornalista sira tenta atu konfirma objetivu husi enkontru ne’e, maibé Mariano Assanami Sabino la fó komentáriu ba jornalista sira.

Entretantu, lideransa FRETILIN, Davíd Dias Ximenes, informa katak, sira hasoru malu ho Primeiru Ministru ne’e, hodi ko’alia kona ba asuntu veteranu nian.

“Ami mai ko’alia asosiasaun veteranu nian ho Universidade hamutuk atu halo semináriu ida kona-ba veteranu nian, ho tema mak, reafirmasaun valor luta, no dezenvolvimentu nasional,”informa David Dias Ximens ba jornalista sira, Kinta (13/09), hafoin hasoru malu ho PM Taur Matan Ruak.

Nia haktuir, iha sorumutu ne’e, Xefi Governu seidauk fiksa data fiksu ba semináriu ne’e.

“Ami husu Primeiru Ministru nia disponibilidade atu marka prezensa, maibé Primeiru Ministru dehan, nia sei ko’alia ho nia gabinete, depois mak aviza fali mai ami,” relata David Dias.ola/cos

Add to Comments Here!!!!

error: Content is protected.
Secured By miniOrange
You might also like:
PD apoiu PR halo viajen ba rai liur ■ Abel Pires: Antes vizita, PR tenki promulga OJE 2018

Reprezentante povu iha uma fukun Parlamentu...

PM Taur sei la fo presaun ba PR promulga OJE ■ Garante ezekusaun OJE la’o di’ak

Primeiru Ministru (PM), Taur Matan Ruak,...

Ponte Comoro III loke ona ba públiku • TL agradese Governu Japaun

Governu Japaun liu husi Japan International...

Close