JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur sei la fo presaun ba PR promulga OJE ■ Garante ezekusaun OJE la’o di’ak

PM Taur sei la fo presaun ba PR promulga OJE ■ Garante ezekusaun OJE la’o di’ak

Primeiru Ministru (PM), Taur Matan Ruak, deklara, sei la fo presaun ba Prezidente Repúblika (PR), Francisco Guterres ‘Lú Olo’ hodi promulga Orsamentu Jeral Estadu (OJE) tinan 2018, tanba atu promulga no la promulga ne’e kompetensia PR nian.

PM Taur hateten, razaun hodi la fo presaun ba PR Lú Olo hodi promulga OJE ne’e, tamba bainhira atu koalia ho Prezidente Repúblika tenki tuir regra.

“Saida mak Primeiru Ministru Informa ba Prezidente karik demora ne’e nia risku ne’e hanesan ne’e, mas nunka fo presaun ba PR atu promulga. Ita bo’ot sira hatene iha regra. Ha’u uluk mos sai Prezidente Repúblika, nune’e ha’u hatene saida mak Primeiru Ministru ho PR koalia ne’e tenki tuir regra, halo saida, saida mak nia bele hatete, saida mak nia labele hatete, nia hatete oinsa ne’e tenki tuir regra hotu,”PM Taur hateten ba Jornalista sira iha Palásiu Prezidensial, Bairo Pite, Díli, Kinta (13/9/2018).

Parlamentu Nasional lori ona OJE tinan ne’e ho montante billiaun US$ 1.2 ba Prezidente Repúblika hodi estuda no halo promulgasaun veta.

Garante ezekusaun OJE la’o diak

Nune’e mos, Primieru Ministru (PM), Taur Matan Ruak, garante katak ezekusaun Orsamentu Jeral Estadu (OJE) tinan 2018 ne’e sei la’o ho balansu tanba sira iha kbiit no kondisaun.

Taur Matan Ruak hateten, maske organigrama Governu dadauk ne’e seidauk kompletu, maibe garante sei ezekuta OJE ho balansu tanba nia iha ema atu halo balansu ba servisu hotu ne’ebé mak nia ministru seidauk iha.

Em prinsípiu ho difikuldade mas bele. Primeiru ami iha reuni, kbiit no kondisoens para responde no defende OJE iha Parlamentu Nasional (PN), dezde halo audiénsia públika ba to’o iha debate orsamentu iha PN, iha ema tenki fo kobertura, liu-liu ba érea sira ne’ebé mak nia ministru sira seidauk tomada de posse, tanba ne’e mak Prezidente Parlamentu Nasional promulga no ami mai hasoru malu ho PR,”PM Taur hateten ba Jorbalista sira iha Palásiu Prezidensial Nicolau Lobato, Bairo Pite Díli.

Lee hotu :   Apoiu orasaun ba Xanana hodi manan tan pipeline mai TL

Xefi Governu ne’e sente falta duni maibe dadauk ne’e halo kobertura ho rekursu ne’ebé mak iha nune’e buat hotu bele la’o ho diak no balansu.

Bainhira husu oinsa efetividade servisu Ministru Estadu Prezidensia Konsellu Ministru, Agio Pereira ba kargu tutela, Primeiru Ministru hateten, laiha problema tanba iha de’it Ministériu haat ka lima mak seidauk iha Ministru.

“Ha’u hanoin la’os nain sia karik, maibe nain haat ou lima de’it karik? ida seidauk iha sei mamuk mak Ministru Planeamentu Investimentu Estratéjiku, Ministru Turizmu Komercio Industria, Ministru Asuntu Ekonómiku, ida ne’e mak sei mamuk,”dehan tan PM Taur.Ola

Add to Comments Here!!!!

error: Content is protected.
Secured By miniOrange
You might also like:
Ponte Comoro III loke ona ba públiku • TL agradese Governu Japaun

Governu Japaun liu husi Japan International...

Substitui membru Governu rejeitadu, PM Taur: Ha’u labele desidi mesak

Primeiru Ministru (PM), Taur Matan Ruak,...

Lúcia Lobato hetan pena prizaun tinan tolu suspende ba tinan lima

Tribunal Distrital Díli (TDD) iha Kinta...

Close