JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN preokupa atividade arte marsiais kontinua la’o ■ KRAM la rekoñese

FRETILIN preokupa atividade arte marsiais kontinua la’o  ■ KRAM la rekoñese

Deputada bankada FRETILIN, Nelia Menezes, kestiona hodi preokupa atividade artemarsiais ne’ebé Governu taka maibe kontinua hala’o sira-nia atividade hodi la obdese ba rezolusaun Governu ne’ebé bandu atu arte marsiais tolu hanesan PSHT, KERA SAKTI no KORK labele hala’o atividade iha nasaun Timor-Leste.

Deputada FRETILIN, Nelia Menezes mos kestiona deklarasaun ne’ebé Ministru Reforma Lejislatura Asuntu Parlamentar (MRLAP), Fidelis Magalães, ne’ebé atu bolu reprezentante Artemarsiais hodi tur hamutuk koalia problema artemarsiais nian.

Deputada opozisaun ne’e hatete, nu’udar Deputada atu konfirma deit kona ba deklarasaun ne’ebé hato’o husi Ministru Reforma Lejislatura Asuntu Parlamentar Fidelis Magalães ne’ebé hatete iha tinan kotuk katak sei iha enkontru entre grupu artemarsiais ne’ebé tuir rezolusaun taka tiha ona.

“Atu konfirma, tanba iha tinan 2018 hatete katak iha inisiu tinan 2019 atu reuni ho grupu sira ne’e, mais ou menus progresu Governu nian to’o iha ne’ebé ona, tanba ita hatene iha kampaña, ita hotu koalia artemarsiais hanesan parte ida husi desportu, tanba ne’e maka husu ba Oitavu Governu atu haree asuntu ne’e”, dehan Nelia Menezes iha PN, segunda 21/01/2019.

Deputada ne’e hatete tan, artemarsiais taka tiha ona, maibe joven barak mak ba tuir atividade ne’e iha rai liur depois fila mai Timor iha prosesu lubuk ida mak hasoru joven sira ne’e, maibe iha fulan Novembru 2018 publiku hatene katak membru governu ida ba tuir fali enkontru lider artemasiais nian iha Indonézia.

“Se ita liga ba rezolusaun ne’e rasik, ema labele halo atividade ba artemarsiais mas agora Sekretariu Estadu ida ba partisipa fali, se joven sira ita bandu tiha mas ita hanesan governante ida ba partisipa fali, nia razaun saida, tanba ne’e presiza klarifikasaun husi Sekretariu Estadu Formasaun Profissional  Emprego,” dehan Nelia.

Lee hotu :   ALKATIRI ASEITA SAI PRIMEIRU MINISTRU ■Ohin aprezenta lista membru governu ba PR

Nune’e mos Deputadu José Soares, hatete, oras ne’e dadaun movimentu artemarsiais iha Liquiça ba Ermera to’o ona iha Aileu, tanba ne’e maka husu ba Governu sentral atu servisu hamutuk ho Governu lokal nune’e bele kontrola movimentu artemarsiais sira.

KRAM la rekoñese

Prezidente Komisaun Reguladora Arte Marsiais (KRAM), Caroliba Octávia Guterres Pereira de Jesus, deklara katak, KRAM la rekoñese arte marsiais ne’ebé governu hasai rezolusaun hodi taka ona.

“Arte marsiais ne’ebé taka ne’e la’os kompetensia KRAM ninian, KRAM atu fiskaliza no observa direta ba organizasaun ne’ebé mak eziste hela,  liu-liu organizasaun ne’ebé rejista iha KRAM”,afirma Caroliba Octávia Guterres Pereira de Jesus, ba GMN iha nia kna’ar fatin Becora-Díli, Segunda (21/01/2019).

Tuir nia katak, KRAM nia papel atu haree organizasaun ne’ebé mak ejiste iha Timor laran no arte marsiais ne’ebé mak taka la’os kompetensia KRAM ninian. KRAM iha ninia regulamentu rasik atu regula arte marsiais sira hotu ne’ebé iha timor.

“Hakarak hateten deit katak, kona-ba krime ka konfrontu ne’e la’os KRAM ninia kompetensia, maibe ne’e kabe ba seguransa nasional, lei seguransa nasional PNTL F-FDTL atu atua ida ne’e”, haklean nia.

KRAM konsidera arte marsiais ne’ebé mak taka iha tinan hirak liu ba oras ne’e dadaun la rejista iha KRAM, maibe KRAM hatene mak organizasaun ne’ebé rejista iha KRAM, tanba ne’e KRAM la hatene organizasaun ne’ebé la rejista iha KRAM.

Entretantu arte marsiais tolu ne’ebé governu hasai rezolusaun númeru 16/2013 hodi taka mak hanesan PSHT, KORK no Kera Sakti, kontinua halo sira nian atividade, maibé KRAM rekoñese organizasaun sira ne’e illegal, tanba governu taka ona iha tinan 2013.

Lee hotu :   PM Taur hasai ona Gastão ho Marcos

Antes ne’e, governu hasai  rezolusaun hodi taka total ona atividade arte-marsiais tolu hanesan PSTH, KORK no Kera Sakti iha ne’ebé aprova husi Parlamentu Nasionál.Nes/Aes

Add to Comments Here!!!!

error: Content is protected.
Secured By miniOrange
You might also like:
Konfrontu iha Fatuhada, kareta ho uma membru Polísia nian rahun

Konfrontu  iha  Aldeia 05 Suku Fatuhahada...

PD eziji SEKOMS klarifika polémika iha Rtt-Ep

Deputadu Bandaka Partidu Demokrátiku (PD), Adriano...

Uza kareta Estadu ba festa, PN husu Governu halo investigasaun

Deputadu bankada Partidu Libertasaun Popular (PLP),...

Close