PR Lú Olo lalikan mehi ba eleisaun antesipada

Xefe Estadu Maior Jeneral F-FDTL Major Jeneral Lere Anan Timur, garante katak, to’o  loron ruma lider politiku sira sei hakotu impasse  polítiku iha Timor-Leste no sei laiha eleisaun antesipada.

“Impase polítikla kleur hotu ona, ha´u la fiar sira atu dada ida ne´e atu mosu krizi 2006, krizi  2006 laiha ona, dala ruma balun dehan eleisaun antesipada ne´e bulak,  mezmu kaer seguransa defeza ha´u dehan ba Prezidente Repúblika lalika mehi  ba eleisaun antesipada, eleisaun antesipada liu ona, labele abuza komunidade ninia di’ak, se ita ba eleisaun antesipada hanesan de´it Timor-oan mak sae nafatin laiha ema seluk. Ne´e mak dehan jere kondisaun para ita nia impasse ne´e hakotu“,esplika  Xefe Estadu Maior Jeneral F-FDTL Major Jeneral Lere Anan   Timur, liu husi  diskursu Sesta (18/01/19), iha seremonia inagurasaun Sentru Formasaun Polísia Munisípiu Ermera parte Gleno.

Atu hakotu impase polítiku ne’e iha kamada sosial barak, parte relijiozu, akadémiku sira fo sujestaun ba lider nasional sira atu hakotu lalais, atu nune’e bele normaliza ekonomia iha ria laran.

Maske nune’e lider karismátiku Kay Rala Xanana Gusmão, hatete ona katak, situasaun iha Timor-Leste la’o diak hela, laiha problema. Tanba iha nasaun balun a’at liu Timor-Leste. Xanana mos deskorda ho opiniaun husi entidade tomak, lider opozisaun sira atu tur hamutuk halo diálogu. Tanba nia dehan, laiha tempu atu halo diálogu maibe prefere servisu deit ba povu no nasaun.avi