JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Aniversáriu PD ba dala 18, Asanami dezafia militante luta kontra injustisa

Aniversáriu PD ba dala 18, Asanami dezafia militante luta kontra injustisa

Prezidente Partidu Demokratiku (PD), Mariano Asanami Sabino, dezafia militante PD nian hotu atu kontinua luta ba injustisa, no hametin demokrasia, dame no domin (D3).

“Ita hotu tenki kaer prinsípiu ida ne’ebé mak demokrasia, dame no domin ne’e tenki buras iha Timor laran, buras iha família ida-ida, no buras iha ita hotu. Ohin 18 anos ne’e afirmasaun dala ida tan ba ita-nia juramentu, katak, ita promete Estadu maubere ne’e Estadu demokrátiku, demokrasia, ita foti liafuan ne’e ukun rasik aan, mate ka moris ukun rasik aan, bainhira soldadu ida ema tiru mate, ukun ne’e estrutura formal ida. Dezafia ba ita mak oinsa ita fó kontinuasaun ba ida ne’e, ita fó kontinuasaun, la’os de’it ita foti valores ba heroi sira, maibé ita foti mós espíritu asuwain ne’ebé fó ona nia totalidade, ne’e mak laiha rezerva, ba Timor maubere oan prontu serví. Timor oan hotu tenki dignu, no goja hanesan, tu’ur hanesan Prezidente, Primeiru Ministru ka deputadu, labele halakon kamaradajen, labele halakon maubere, no labele halakkon kompañeiru, labele halakon mós katak, ita luta ba injustisa ne’e naruk, konteudu prinsipal husi ukun aan ne’e mak injustisa”,hateten Mariano Asanami Sabino iha nia diskursu ba serimónia aniversáriu PD ba dala 18, iha salaun Terra-Santa, Sábadu(22/06/2019).

Prezidente PD ne’e haktuir, ukun ne’e povu nian, tanba ne’e, Timor oan hotu presiza partisipa iha dezenvolvimentu.

Alende ne’e, Sekretáriu Jerál Partidu FRETILIN, Marí Alkatiri husu kuadrus no polítiku Partidu Demokrátiku (PD), ne’ebé nu’udar partidu jerasaun foun, atu banati tuir líderansa sira, no tenki hatene Demokrasia, Dame no Domin (D3) ba povu hotu.

Lee hotu :   Projetu laiha kualidade, ADN sei la rekomenda atu selu

Alkatiri mós enkoraja PD atu hatene serví povu ho fuan, tanba garante katak, PD to’o ona idade 18 sei la mate tan.

“18 anos ne’e idade bonita bonitu, maibé responsabilidade bo’ot tebes, ba partidu ida moris iha tempu agora, tempu dame no domin nian, tanba uluk iha 1974 -1975, ita balun mai kedas husi ne’eba balun moris kedas iha tempu ne’eba ona, ita dehan libertar a patria no libertar o povu, buat rua ne’ebé la hanesan, libertar a patria ita hanesan kombatentes, ita-nia paixão no determinasaun atu hakotu funu, ne’e mak ita dehan mate ka moris ukun rasik aan, ita halo duni iha 24 anos nia laran, bainhira funu hotu ona, lori demokrasia ne’e mai, ita hahú ho D3, demokrasia dame ho domin, D3 ne’e mak sai ita-nia mata dalan, tanba demokrasia, dame ho domin mak ita haburas ita-nia nansaun ne’e, ho ideias foun, maibé nafatin ho prinsipius no valores ida de’it”, hateten Marí Alkatiri iha nia diskursu bainhira partisipa serimónia aniversáriu PD dala 18 iha salaun Terra-Santa.

Tuir Alkatiri, demokrasia ne’e sistema polítiku mak fó mai, dame ne’e nessesidade polítika ida mak obriga, domin ne’e, hahú husi uma laran, maibé liu-liu domin ba povu.

“Bainhira ita hadomi povu, ita labele halo ita-nia povu sai fali instrumentu, ita-nia prátika tenki foti povu ne’e atu partisipa iha prosesu tomak, labele hanoin povu ne’e presiza de’it ita-nia izmola ka karidade, povu mós presiza hetan dignidade, atu bele partisipa iha prosesu tomak. Bainhira ita dehan demokrasia, dame no domin, povu nian mak tenki bo’ot liu, povu mak determina se mak bele lori nia ba oin, maibé kuandu ita dehan demokrasia, dame no domin, signifika ita tenki buka dalan ida intendimentu, tanba ita sei hari’i hela ita-nia Estadu,”afirma Alkatiri.

Lee hotu :   Manuel Tilman “Estatuto Governu nafatin VII Governu Konstituisionál’’ Maibe laiha poder atu halo proposta lei

Fundador partidu FRETILIN ne’e afirma tan, PD hanesan jerasaun foun, presiza halo adaptasaun polítika no postura líder históriku sira nian, maske la fasil.

“Ita nia Estadu bele to’o ona 20 anos, maibé hanesan instituisaun sei joven tebes, tanba ne’e, partidu ida hanesan PD, nia identidade rasik, bele fó ona kontribuisaun barak ba demokrasia ida ne’e, ba dame no domin ida ne’e, dala barak, esforsu bo’ot ida hanesan ami nian ne’e, tenki halo atu halo adaptasaun ba servisu adaptasaun realidade foun, adapta ami-nia postura, adapta ami-nia prátika ba realidade foun, D3 ne’e, Demokrásia, Dame no Domin. Dala barak la fasil atu adapta ami-nia postura, ami-nia prátika no ami-nia halo polítika ba situasaun foun ida ne’e, krítika la’os atu hatun ema ida, korajen atu halo krítika importante tebes, atu obriga ami adapta ami-nia an ba realidade foun, sela’e ita moris iha nostaljia”,tenik Alkatiri.say

 

Add to Comments Here!!!!

error: Content is protected.
Secured By miniOrange
You might also like:
Komisáriu CAC husu adjuntu na’in tolu servisu maka’as

Atu apoiu efektividade servisu Comissão Anti...

Mandatu iha RAEOA besik remata, Alkatiri: Ha’u sei ko’alia ho PM atu kontinua ka la’e

Prezidente Rejiaun Administrativa Espesial Oé-cusse Ambeno...

DIA 24/06/19 || GMNTV LIVE STREAM || DADER KMANEK

Close