JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PUDD-PD konsidera esplikasaun Xanana kona-ba FM detalladu

PUDD-PD konsidera esplikasaun Xanana kona-ba FM detalladu

Bankada opozisaun PUDD no Partidu Demokratiku (PD) iha Parlamentu Nasionál, konsidera, esplikasaun Xefe Negosiador Fronteira Marítima (FM), Kay Rala Xanana Gusmão nian durante audiensia no diskusaun ba pakote lei sira ne’ebé atu halo alterasaun iha jeneralidade detalladu no sufisiente atu sira kompriende kona-ba lala’ok ratifikasaun FM nian, hodi halo bankada rua ne’e laiha razaun atu vonta kontra pakote lei hirak ne’ebé atu halo alterasaun.

Deputadu PUDD, António de Sá Benevides hateten, lejislasaun hotu bele halo mudansa iha kualker tempu, bainhira la relevansia ona ho situasaun ruma, tanba ne’e la sala bainhira halo alterasaun ba pakote lei hirak ne’e, hodi ajusta ba ratifikasaun FM.

“PUDD lakohi halo tan retórika polítika, tanba loron hirak nia laran ita hetan informasaun ne’ebé sufisiente, relativamente fronteira tasi Timor no lei hirak ne’ebé ligadu ho tratadu.

Iha razaun fundamental atu altera kualker lei, bainhira laiha ona relevansia ho situasaun. Tanba ne’e, PUDD iha konfiansa tomak ba governu no mós entidades relevante sira sei implementa lei ne’e tuir nia dalan”, deklara Xefe bankada PUDD ne’e iha faze diskusaun pakote lei hirak ne’e iha jeneralidade, Kinta (18/07/2019).

Alende ne’e, Xefe bankada UDT/Frente Mundansa, Gilman Exposto mós reforsa, ratifikasaun FM nu’udar vitória bo’ot ne’ebé Timor-Leste (TL) hetan, maske antes ne’e mosu pesimista, maibé atinji duni realidade, tanba la fasil atu manan husi nasaun bo’ot hanesan Australia.

“Ratifikasaun FM ne’e hanesan susesu bo’ot ida ne’ebé ita-nia Estadu ka governu TL, liu husi ekipa negosiador alkansa iha konsiliasaun obrigatória ho Australia. Uluk foin hahú, TL reklama ha’u pesimista, pesimista tanba iha mundu ne’e, laiha nasaun ki’ik ida mak manan fali nasaun bo’ot ida iha riku soin mina rai, tanba ne’e mak mediu oriente ne’e funu hela de’it, maibé realidade ne’e akontese iha Timor, tanba ita hetan bensaun husi Maromak, povu no ita mós iha ema ne’ebé mak fiar no kbi’it hodi organiza bele alkansa vitória iha konsiliasaun obrigatória ho Australia. Tanba ne’e, UDT/FM fó apoiu tomak ba lei 4 ne’ebé presiza duni atu altera iha uma fukun ne’e, hodi bele ajusta ba ratifkasaun FM, hodi bele explora riku soin iha Timor, hanesan greater sunrise, no riku soin seluk ne’ebé pretense ba Timor 100%. Ne’e orgullu bo’ot, ita iha uma fukun labele halimar, rikusoin ne’e ba ita hotu, laiha ida mak la simu no la goza, ba povu nia moris, tanba povu TL hein hela dezenvolvimentu ne’ebé di’ak”, afirma Gilman Exposto.

Lee hotu :   Tempu badak, Governu sei prosesa millaun USD 650 ba ConocoPhillips ho Shell

Iha sorin seluk, Xefe bankada PD, deputadu António da Conceição mós orgullu, tanba TL bele konkista tan nia polítika ida ne’e, prosesu hari’i nasaun no hametin ukun rasik aan.

“Expozisaun ne’ebé governu aprezenta, hahú iha loron dahuluk to’o debate, no esplikasaun detalladu ba prosesu negosiasaun nian ne’e,

susesu bo’ot ida ne’ebé TL hetan ba FM, marka tan vitória ida, iha prosesu hari’i nasaun no hametin ukun rasik aan, PD sauda no orgullu ba konkista polítika ida ne’e. Tanba ne’e, dala ida tan, mai hodi dignifika nafatin heroi sira-nia luta, liu-liu mártires sira, orgullu bo’ot, tanba iha selebrasaun dekada rua ba referendum ne’ebé mak lori vítima lubuk, husi povu simples, ohin ita hotu ko’alia tan rohan ida, FM Timor nini’an. Tanba ne’e, PD senti orgullu ba esforsu tomak ne’ebé mak liu husi reprezentante PD nia iha uma fukun ida ne’e defende, liu-liu saida mak ohin ita afirma, uluk ita sai dúvida, maibé ohin sai realidade”, tenik xefe bankada PD ne’e plenaria.

Pakote lejislasaun ne’e aprova ona iha faze jeneralidade, no Lei númeru 5/V primeira alterasaun lei fundu petrolíferu, pasa ho votus a favor 40, kontra 23 no abstensaun 1, inklui lei númeru 6/V primeira alterasaun lei tributaria pasa ho votus a favor 41,  kontra 23 no abstensaun 0, inklui rejimi laboral migratóriu pasa ho votus a favor 41, kontra 0 no abstensaun 0, nune’e mós lei atividade fundu petrolíferu pasa ho votus a favor 40, kontra 23 no abstensaun 1.say

 

Add to Comments Here!!!!

error: Content is protected.
Secured By miniOrange
You might also like:
DIA 19/07/19|| GMNTV LIVE STREAM || JORNAL NASIONAL KALAN

DIA 19/07/19|| GMNTV LIVE STREAM || JORNAL AS 12

DIA 11/07/19|| GMNTV LIVE STREAM || GRANDE ENTREVISTA ||PRESTASAUN DE SERVISU SAUDE / HO NIA DESAFIU

Close