JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Maria Sarmento: Juridikamente koligasaun foun lidera husi CNRT ilegal

Maria Sarmento: Juridikamente koligasaun foun lidera husi CNRT ilegal

Vise Prezidente Partidu Libertasaun Popular (PLP), Maria Angelina Sarmento, informa, juridikamente koligasaun foun ne’ebé lidera husi partidu CNRT hamutuk ho partidu sira hanesan PD, KHUNTO, UDT/FM no PUDD ne’e ilegal, tanba viola lei Partidu Polítiku (ParPol).

“PLP sei haree vantajen jurídiku violasaun lei numeru 3/2005 kona-bá lei ParPol, ha’u hanoin sei iha pasu legal ne’ebé ami foti, koligasaun foun ida ne’e em termus polítiku legal, maibé em termus jurídiku ilegal, tanba viola lei ParPol artigu 9, númeru 3/2005. Ami sei haree defisiénsia legal ne’ebé ita iha, sé iha dalan atu kontesta koligasaun ida ne’e, ha’u hanoin PLP ho KHUNTO iha direitu mós ba AMP bele halo ida ne’e,” Vise Prezidente PLP ne’e ba jornalista sira iha ninia rezidénsia Taibessi-Díli, Tersa (24-02-2020).

Nia akresenta, juridikamente PLP ho KHUNTU iha direitu atu halo reklamasaun, tanba partidu tolu (3) kompostu husi CNRT, PLP no KHUNTO hamutuk vinkuladu iha lei no desizaun Tribunál Rekursu (TR), maibé to’o ikus kebra tiha forma koligasaun foun.

“Ita  haree  jogu polítika ida la’o ho hanoin ida oinsá, forma fali koligasaun foun iha koligasaun ida nia-laran, ne’ebé lei ParPol artigu 9 ko’alia katak, ParPol ida kuandu ida hela koligasaun ida nia-laran labele espontaneamente entegra-an  fali iha koligasaun seluk ida. CNRT hamutuk ho PD, KHUNTO, UDT/FM no PUDD hamutuk 34, ba ha’u nia haree atu dehan katak, koligasaun ne’ebé forma iha pre-eleitoral ne’ebé kompostu husi CNRT PLP no KHUNTO ne’ebé vinkuladu iha lei ida nia okos, iha desizaun TR mós sei rahun no labele sustenta-an iha tinan 5, fara mais koligasaun polítika de’it”, subliña Maria.

Lee hotu :   PN kontinua pendente eleisaun ba komisáriu KAK

Relasiona ho kestaun ne’e, jornalista tenta konfirma ho estrutura partidu CNRT iha Bairro dos Grilhos, maibé estrutura partidu ne’e laiha fatin.

Fó hanoin fila-fali katak, bloku koligasaun Aliansa Mudansa ba Progresu (AMP), kompostu husi CNRT, PLP no KHUNTO eziste no rejistadu iha TR hodi hakat ba Eleisaun Antesipada (EA) no manan maioria ho pursentu 49 vírgula 6 ho atribuisaun kadeira 34.

Maibé koligasaun ne’e naksobu tiha iha Parlamentu Nasionál (PN), fahe ba bankada tolu, hanesan CNRT, PLP no KHUNTO, dezde estrutura meja PN V lejislatura estabelese no oras ne’e CNRT ho nia aliadu KHUNTO kontinua hamahan fali ho koligasaun foun ne’ebé kompostu husi CNRT, PD, KHUNTO, PUDD, UDT/FM no la inklui ona PLP.

Enkuantu PLP, maske ninia Prezidente Taur Matan Ruak mak dau-daun ne’e lidera VIII Governu, nune’e PLP ne’ebé ho kadeira 5 iha PN ne’e orbigadu tenke sai fali opozisaun iha PN, hanesan ho partidu FRETILIN. ety

 

Add to Comments Here!!!!

error: Content is protected.
Secured By miniOrange
You might also like:
Kontinua adia ajenda LAK, Adriano lamenta meja komisaun A PN

Reprezentante povu iha uma fukun Parlamentu...

AMD identifika kompañia balu monta publisidade illegál iha Díli

Autoridade Munisipiu Díli (AMD) durante nee...

Basílio de Jesus promete sei hatutan servisu matebian Lino Saldanha

Komando Jerál PNTL noméa ona  Superintendente ...

Close