JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT: Tenke prosesa projetu 40 resin ho justu

CNRT: Tenke prosesa projetu 40 resin ho justu

Deputadu bankada CNRT, Marcos Xavier, hatete, bankada CNRT ezije Governu atu prosesa projetu 40 resin ne’ebé laiha kontratu la’o ho justu.

“Maske Konsellu Administrasaun husi Fundu Infraestrutura (KAFI) deside ona la selu projetu laiha kontratu sei la selu, tanba projetu barak ema estranjeiru mak kaer la’ós Timor-Oan, ukun ida kapas. Projetu 143, projetu 90 resin mak iha kontratu no 40 resin la hetan kontratu, maibé iha tinan 2018 osan tau iha livru 3 A agora iha 2020 sira ne’ebé iha kontratu laiha ona. Iha livru 2 A ba projetu sira ne’ebé mak laiha kontratu la tau ona livru, ukun ne’e mak hanesan ne’e duni, tanba KAFI deside projetu ne’ebé laiha kontratu haruka ona ba Ministériu Públiku (MP), ida ne’e mak ami hein. Ami hein katak prosesu tenke la’o ho justu, keta prosesu ne’e la’o bele kona ita boot sira“, Deputadu bankada CNRT ne’e bainhira hala’o audénsia ho Vise Primeiru Ministru (PM) ba Asuntu Planeamentu no Ordanamentu, José Reis, Ministru Óbras Públika (MOP), Salvadór Pires no Ministru Transporte no Komunikasaun (MTK), José Agostinho da Silva iha Parlamentu Nasionál (PN), Kinta (24-09-2020).

Reprezentante povu ne’e mós dúvida, tanba tinan kotuk Governu orsamenta iha livru III, maibé tinan ne’e Governu deside la tau orsamentu iha livru III A kona-bá projetu ne’ebé laiha kontratu.

MOP, Salvador Pires, klarifika, projetu ne’ebé laiha kontratu lei jestaun finanseira la prevé atu tau orsamentu, sé bainhira tau orsamentu mós sei la ezekuta, tanba kestaun legalidade.

“Kona-bá projetu área ha’u nia iha lei aprovizionamentu miliaun 1 ba leten iha konsellu ida atu trata projetu 1 to’o 5 milloens ne’e iha KAFI, projetu 142 nia montante 1 to’o 5 milloens ne’ebé nia finansiamentu tenke iha KAFI, maibé liga mós kestaun ba sira nia legalidade. Ba ami nia parte iha duni justifikasaun legal, ita dezenvolve osan ne’e, ha’u laiha problema ba ida ne’e, ministru atu ezekuta osan públiku ni’an ita tenke iha kontabilidade bazeia ba ita nia lei jestaun finanseira ne’ebé ita iha obrigasaun osan ne’ebé mak prevé ona kontra em kursu. Projetu ne’ebé maka laiha kontratu lei la prevé atu obriga hodi atu tau orsamentu, dalaruma tau orsamentu tiha la ezekuta, tanba kestaun legalidade. Tanba iha tinan 2018 iha Komisaun Inkeritu Parlamentár (KIP) paradu, lori ba MP, entaun hein lai kestaun sira ne’e“, dehan Governante ne’e.

Tuir dadus totál projetu iha Timor-Leste hamutuk 142. Husi númeru ne’e projetu 90 resin mak iha kontratu no 40 resin laiha kontratu, ne’ebé KAFI deside enkamina ba MP. ety

Lee hotu :   Eis PR Horta: Ha’u la konkorda PR Lú Olo veta OJE 2019

Add to Comments Here!!!!

error: Content is protected.
Secured By miniOrange
You might also like:
Amu Arnaldo Soares hakotu iis tanba atake kardíaku

Amu  Vigáriu ka Segundu  Asistente  Parókia...

PM Taur: Posibilidade taka fronteira ba ema estranjeiru sira

Primeiru Ministru (PM), Taur Matan Ruak,...

MAP koordena MNEK lori fila formandu iha Israel

Ministru Agrikultura no Peska (MAP), Pedro...

Close