JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur: Posibilidade taka fronteira ba ema estranjeiru sira

PM Taur: Posibilidade taka fronteira ba ema estranjeiru sira

Primeiru Ministru (PM), Taur Matan Ruak, hatete, iha posibilidade Governu sei blokeia ka taka fronteira sira ba ema estranjeriu sira atu labele tama Timor-Leste, inklui mos sei la selu kuarentena ba sidadaun Timor hirak ne’ebé la kumpre regra fronteira ni’an, liu-liu sidadaun sira ne’ebé kontinua tama-sai ilegál.

“Primeira medida mak reforsa postu sira iha fronteira, segundu maka halo koordenasaun ho nasaun viziñu para que bele reforsa liu tan hodi impede sira sai husi ne’e, liu-liu ba pasajen ilegál, presiza kooperasaun ho Indonézia. Se husi Timor ba ilegál mak sira simu, naturalmente sira fomenta, entaun maka buka dalan hodi koopera ida ne’e diak liu, terseiru mak sensibiliza ita-nia sidadaun sira, para que sira tenke hatene katak iha regra tenke tuir, ne’e la’ós diak ba Governu deit, liu-liu ba sidadaun sira, sa tan tempu ne’ebé moras COVID-19, sira balun ba tiha fila-fali mai subar tiha, ba nia uma, depois karik nia lori moras bele daet ba nia família uma-laran, no fim fó sala ba Estadu, maibe kontráriu sira rasik mak falta responsabilidade”, dehan Taur Matan Ruak ba jornalista sira, Kinta (24/09/2020), iha Palásiu Prezidensial Nicolau Lobato, Bairo Píte, Díli.

Nia afirma, sensibilizasaun ne’e tenke iha no ajente seguransa sira naturalmente husu ba sira atu reforsa maka’as liu tan, labele permite sidadaun sira ba-mai ilegál.

“Labele permite ita nia ema sira ba-mai ilegál hanesan ne’e, Polisia sira nia subsídiu iha rasik, ne’e mai seidauk iha diskuasaun kona-ba subsídiu espesial ne’ebé mak iha COVID nian, ne’e sira ne’ebé espoem, dezemadiada COVID-19 ne’e iha subsídiu, mais de resto sira hanesan baibain, sira tenke kumpre sira-nia devér la presiza Estadu fó subsídiu ba sira foin tau matan ba ita-nia seguransa”, dehan PM Taur.

“Pelo menus to’o agora seidauk iha pasajen ilegál iha ne’eba, restu informasaun ne’ebé ita iha, ita-nia fronteira terestre, preokupasaun ida mak mezmu iha Estadu Emerjénsia ita sei fo autorizasaun tama, liu-liu autorizasaun ba sira ne’ebé por ezempu embaixada sira-nia ema, parseiru dezenvolvimentu nia funsionáriu sira, emprezáriu sira ne’ebé iha relasaun ho ita-nia atividade ekonómiku, ami mos diskute ona posibilidade blokeia ita-nia fronteira ba iha estranjeiru sira”, fundamenta Xefe Governu.

Nia hatutan, “Ida seluk mak sira hotu ne’ebé hanesan ita nian ne’ebé ba mai-ilegal, ba oin ba kuarentena Estadu sei la selu kuarentena ba sira, sira mak selu rasik sira-nia aan, no ba mos estranjeiru sira ne’ebé tama mai iha ita-nia rai, sira rasik selu sira-nia kuarentena ne’e país barak halo ida ne’e”, tenik tan. Oly

Lee hotu :   FRETILIN husu Timor GAP aprezenta planu negósiu GS

Add to Comments Here!!!!

error: Content is protected.
Secured By miniOrange
You might also like:
MAP koordena MNEK lori fila formandu iha Israel

Ministru Agrikultura no Peska (MAP), Pedro...

Kresimentu ekonomia tun hahú husi VIII Governu

Kresimentu ekonomia Timor-Leste (TL), tun ba...

CNRT: Esplikasaun Gabinete PM diferénsia ho portál transparénsia

Deputada bankada CNRT, Carmelita Moniz, konsidera...

Close