JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Hakerek cavalos marinhos iha karta ba MTK, MNEK rekoñese hanesan lapsu

Hakerek cavalos marinhos iha karta ba MTK, MNEK rekoñese hanesan lapsu

Diretór Jerál (DJ) Konsular Protokolár no Média, Juvencio de Jesus Martins, justifika karta ne’ebé Ministériu Negósiu Estranjeiru no Kooperasaun (MNEK) haruka ba Ministériu Transporte no Komunikasaun (MTK) ho liafuan Cavalos Marinhos, hanesan lapsu ida. Tanba ne’e, parte protokolár sei buka tuir hún hosi liafuan refere.

Juvencio klarifika, karta ne’ebé virál iha Média Sosiál (MédSos), la’ós ho intensaun atu ofende Timor-Oan hirak ne’ebé halo viajen ba rai-liur, maibé hanesan lapsu ida, ho nune’e, nia parte sei buka tuir hún hosi fallansu refere.

“MNEK nia intensaun úniku hakarak tulun sidadaun Timor-Oan sira ne’ebé hakarak sai ba rai-liur, muito espesial ba sira ne’ebé iha Inglaterra, ne’ebé mak kontribui ekonomia barak ba Timor-Leste. Iha dokumentu ne’ebé ami hasai ba MTK iha fraze ruma mak hateten katak ‘Cavalos Marinhos’ iha ne’e MNEK haree katak ne’e lapsu ida, ami rekoñese ida ne’e, MNEK mós lamenta ho ida ne’e, tanba ami nia intensaun la’ós atu ko’alia ita nia maluk sira ne’e ‘Cavalos Marinhos/kuda laut’, imposivel fraze ne’e atu mosu, tanba la’ós ami-nia intensaun mak ida ne’e, ne’e lapsu ida, ami sei buka tuir ida ne’e,” deklara Juvencio de Jesus Martins, Tersa (27/10/2020).

FOTO: MédSos

DJ ne’e esplika, tuir loloos Timor-Oan 100 resin ne’e, atu desloka iha loron 24, fulan Outubru ne’e, maibé la konsege, tanba Ministru Transporte no Komunikasaun la autoriza.

“Konta loloos karta refere inválidu, tanba ami ba MTK iha Sábadu ne’e la konsege atu rezolve, tanba MTK sei haree tan prosesu balun, maibé ami sei esforsu atu termina, nune’e aban (Ohin Kuarta) ami bele haruka fila fali ona ba MTK. Maibé Ministru Transporte mós prontu atu buka solusaun imediata ba sidadaun Timor-Oan hirak ne’e. Loloos bele ba kedas iha Domingu foin la-lais ne’e, maibé tanba booking tiha mak ita rebook fali ne’e presiza 24 oras, hanesan Doha ba UK, entaun halo fali ohin para aban (ohin Kuarta) bele ba ona”, dehan Juvencio.

Maibé nia informa mós, maske iha fallansu, maibé posibilidade Timor-Oan 100 resin ne’e dezloka iha Kuarta, semana ne’e.

Entretantu, kustu ba aviaun ne’e, selu rasik husi Timor-Oan kuaze 100 resin ne’e. Say

Lee hotu :   PD: Líderes de partidos políticos falham em separar interesses nacionais de partidários

Add to Comments Here!!!!

error: Content is protected.
Secured By miniOrange
You might also like:
PN autoriza aplika EE ba dahitu

Reprezentante povu iha Parlamentu Nasionál (PN)...

FADA-TALATA realiza konferénsia direitu saúde reprodutiva

Atu hasa’e konsénsia públiku hodi evita...

Proposta OJE 2021 baixa ona ba komisaun sira iha PN

Prezidente Parlamentu Nasionál (PN) interinu, Luis...

Close