JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur rejeita COVID-19 iha TL fabrikadu

PM Taur rejeita COVID-19 iha TL fabrikadu

Primeiru Ministru (PM), Taur Matan Ruak, rejeita deklarasaun polítika bankada opozisaun CNRT ne’ebé hateten COVID-19 iha Timor-Leste fábrikadu no Xefe Governu ne’e konsidera ida ne’e hanesan alerta ida ba Timor-Leste atu hatene no endurese medida no haforsa prevensaun.

“Ha’u iha uma, ha’u nia oan husu ba ha’u ida ne’e. Ha’u nia resposta dalaruma Maromak halo sinal ruma mai ita karik. Tanba sé ita la hanoin hanesan ne’e ita deskonfia fali ita-nia tékniku profesionál sira ne’e. Sé ita deskonfia fali sira mak fabrika no sira mak inventa ha’u hanoin ne’e risku ba ita”, PM hato’o lia hirak ne’e hodi hatán ba preokupasaun deputadu bankada CNRT ne’ebé hateten iha Timor-Leste COVID-19 sempre mosu bainhira Estadu Emerjénsia (EE) remata.

Xefe bankada CNRT, Duarte Nunes, konsidera situasaun ne’ebé mosu bele konsidera hanesan aparesimentu COVID-19 iha Timor-Leste fabrikadu.

“Ha’u la diskorda no la kontra karik realmente mosu, maibé mosu iha véspera dala tolu ona, ne’e mak halo ema komentáriu ne’ebé ita bele dehan hamonu tiha nasaun ne’e nia dignidadade”, hateten Duarte.

Maske nune’e, deputadu husi forsa polítika pozisaun ne’e husu ba Governu no Parlamentu Nasionál (PN) atu bele halo lei hodi fasilita Timor-Leste ba atende situasaun kalamidade em vez de uza EE. Maibé Xefe Governu Prezidente Repúblika (PR) no Prezidente PN dau-daun ne’e sei preokupadu ho debate Orsamentu Estadu Estadu (OJE) tinan 2021 no atividade seluk.

Entretantu dezde aparesimentu COVID-19 iha Timor-Leste, to’o oras ne’e rejista kazu pozitivu hamutuk 30. Husi númeru ne’e ema na’in 29 rekuperadu ona no hela kazu ativu ida (1). oct

Lee hotu :   AMP KONSIDERA DESIZAUN PR LÚ OLO LA KONSISTENTE

Add to Comments Here!!!!

error: Content is protected.
Secured By miniOrange
You might also like:
Governu lansa ona programa sesta bázika

Vise Primeiru Ministru no Ministru Planu...

Veteranu dezmobilizadu 20 to’o 24, sei simu USD 40.000

Governu liu husi Konsellu Ministru (KM)...

Governu promete 2022 dada fibra ótika mai TL

Konsellu Ministru (KM) aprova opsaun tolu...

Close