JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN autoriza aplika EE ba dahitu

PN autoriza aplika EE ba dahitu

Reprezentante povu iha Parlamentu Nasionál (PN) autoriza no aprova ona pedidu estensaun Estadu Emerjénsia (EE) ba daneen ho votu a favor 42, kontra no abstensaun 0. Hodi autoriza Prezidente Repúblika (PR), Francisco Guterres “Lú Olo” dekreta tan implementasaun EE ba dahitu ne’e.

Iha pedidu estensaun EE ba daneen ne’e, deputadu bankada CNRT sira deside la vota hodi husik hela plenária no Xefe bankada CNRT, Duarte Nunes mak iha de’it sala plenária, maibé la vota. Tanba deputadu bankada CNRT nota no hatene kleur tiha ona katak, Governu de faktu ida ne’e futu lia ho PR, hodi implementa polítika foer iha Timor-Leste.

Bankada CNRT konsidera estensaun EE ba daneen ne’e hanesan instrumentu politíku husi Governu, tanba EE sempre marka ho sidadaun ida husi estranjeiru infetadu no pozitivu COVID-19, ne’e bei-beik tiha ona, kuandu atu termina EE mosu kazu foun. Hafoin Parlamentu Nasionál (PN) aprova estensaun EE, kazu pozitivu lakon mesak tiha de’it.

Deputadu CNRT, Gabriel Soares, hateten, ho rejista kazu COVID-19 ne’e  hatudu momoos la’ós ona insidénsia, maibé planeadu hodi fábrika moras atu halo tauk povu no fó dalan ba EE. Ho nune’e bankada CNRT husu ba Governu atu para ona kari rai-rahun ba povu nia matan.

Alende ne’e bankada CNRT mós nota Governu laiha kapasidade iha dezempeñu ba ezekusaun fundu COVID-19, pagamentu atrazadu no ezekusaun ki’ik tebes.

“Ne’e mostra uma polítika foer, bankada Governu futu lia ho PR atu husik Lei Protesaun Sívil kaduka tiha, nune’e sira avontade hodi inventa EE ba interese poder ne’ebé hetan husi dalan hadau nian. Polítika astuta ne’e hodi satisfaz ganansia ba poder, tanba ne’e tenke sakrifíka tiha povu tomak nia liberdade ba sirkulasaun hodi buka moris, enkuantu konsientemente Governu husik ema husi rai liur livre tama mai iha teritóriu Timor-Leste. Ho nune’e  EE dahitu ne’e sei rai mós problema lubuk ida ne’ebé to’o agora seidauk rezolve, sidadaun lubuk  ida kontinua reklama pagamentu familiar ne’ebé liu ona fulan haat seidauk simu, Ministra Solidaredade Sosiál no Inkluzaun (MSSI) kontinua fó promesa falsu ba média no mai bosok iha plenária ida ne’e ho malorek tebes, frontline sira to’o agora barak mak la simu sira-nia direitu, hoteis no catering la selu, subsídiu ba empreza no trabalhadór sai la klaru no laiha manutensaun ba fasilidade kuarentena no izolamentu, laiha subsídiu dignu ba ekipa vijilánsia no ambulánsia no barak tan. Ne’e dehan saída mai ita? EE iha nível implementasaun no organizasaun la di’ak, la’o rungu-ranga loos, nune’e hamosu problema sosiál foun iha ita-nia sosiedade nia laran”.

“Pandémia COVID-19 sai tiha oportunidade graças ba PR ho nia partidu FRETILIN, hodi agora tama iha Governu de facto inkonstitusionál ho termu viabilizasaun. Hodi nune’e mak Governu ida ne’e la sériu no foku ba impaktu husi EE ne’ebé kontribui ona ba resesaun ekonomia nasaun ne’e nian, liu-liu povu sofre, tanba laiha osan iha sira-nia liman, nune’e difísil ba sira atu asesu merkadu hodi atende nesesidade loron-loron nian. Povu doben Timor-Leste bankada CNRT kontinua husu ba Governu de facto atu evita vírus Corona tama iha Timor-Leste, “dalan loos liu mak tenke asegura ponto de entrada sira no labele hatama ema mai Timor-Leste, tau matan ba fronteira terestre, portu no aeroportu”. Fó mós subsídiu dignu ba frontline sira, labele atraza iha pagamentu ba sira-nia direitu, tanba sira merese hetan ita hotu nia apoiu. Sira servisu iha área ne’ebé risku aas, sira mak sei simu uluk konsekuénsia husi vírus bainhira mosu transmisaun lokál. Ami hakarak dehan ho orsamentu montante ki’ik de’it labele ezekuta tuir kalendáriu ezekusaun orsamentu nian, oinsá mak Governu ne’e bele ezekuta Orsamentu Jerál Estadu (OJE) tinan 2020 no tinan 2021 nian”, Deputada bankada CNRT ne’e liu husi deklarasaun polítika bankada CNRT iha PN, Tersa  (27-10-2020).

Tanba ne’e, EE nu’udár instrumentu polítika de’it, fou-foun deklara EE atu iha espasu hodi hadau poder iha PN, kontinua estende atu limite movimentu no sirkulasaun sidadaun nian hodi ezije prezensa Estadu ba impase polítika ne’ebé PR rasik ajuda no inventa hodi loke dalan ba FRETILIN atu bele tama iha VIII Governu.

“Ábitu foun Timor-Leste mak EE fulan-fulan, Estadu lakon kbi’it atu buka dalan seluk, embora bankada Governu lakohi atu aprova Lei Protesaun Sívil, maibé ita sei iha próprias leis ne’ebé bele uza hodi halo vijilánsia ba ita-nia sidadaun sira no halo kontrollu ba mobilidade ema estranjeiru sira nian”, tenik Gabriel.

Hatán ba kestaun ne’e, deputada FRETILIN, Josefa Álvares, hateten, implementa EE ne’e laiha intensaun polítiku ruma, maibé hakarak salva ema-nia vida.

“Ba ha’u importante mak ema-nia vida implementa EE, tanba atu defende ema-nia vida mak ita implementa, la’ós mai ho intensaun polítiku oi-oin, tanba vida ema nia ne’e importante tebes”, afirma Josefa. ety

Lee hotu :   PN husu ba PM Taur troka membru Governu rejeitadu

Add to Comments Here!!!!

error: Content is protected.
Secured By miniOrange
You might also like:
FADA-TALATA realiza konferénsia direitu saúde reprodutiva

Atu hasa’e konsénsia públiku hodi evita...

Proposta OJE 2021 baixa ona ba komisaun sira iha PN

Prezidente Parlamentu Nasionál (PN) interinu, Luis...

MOP prevé orsamentu tokon USD 200 foka liu ba estrada

Governu liu husi Ministériu Obras Públika...

Close