JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MTK Agostinho: Ha’u iha koñesimentu kona-ba ligasaun internet ilegál ne’e

MTK Agostinho: Ha’u iha koñesimentu kona-ba ligasaun internet ilegál ne’e

Ministru Transporte no Komunikasaun (MTK), José Agostinho da Silva, hateten, prontu ba hatán iha Tribunál bainhira hetan pedidu husi autoridade judisiál relasiona ho kazu ligasaun internet ilegál ne’ebé halo husi empreza Elite Computer no Telemor, tanba nia iha koñesimentu kona-bá ligasaun ilegál ne’e.

José Agostinho salienta katak, nia iha koñesimentu kona-bá ligasaun internet ilegál husi Indonésia mai Timor-Leste ne’ebé halo husi empreza rua ne’e. 

“Perguntas dehan iha koñesimentu ka lae? Ha’u iha koñesimentu. Iha lista lubuk ida ne’ebé mak ita konsidera hanesan rede externál sira, inkluindu Elite Computer. Kona-bá asuntu ne’e ha’u labele tama kle’an liu importante mak ita hotu hein rezultadu investigasaun, ne’ebé ita tenke kolabora kontribui ba prosessu tomak importante mak ita hotu hein. Nu’udár sidadaun ne’ebé mak di’ak laiha exepsaun, perante lei oinsa maka kolabora. Lei ne’e hatúr para regula ema nia aktu kuandu komete iregularidade, entaun ita tenke responsabiliza. Ita tenke berjiwa besar, mas aktu hotu tenke la’o iha koridor regra”, MTK ne’e hafoin hasoru malu ho Primeiru-Ministru (PM), Taur Matan Ruak, iha Palásiu Governu, Sesta (27/11/2020).

Bainhira jornalista GMN kestiona kona-bá autorizasaun husi Governu ba atividade Elite Computer ne’ebé halo ligasaun internet ilegál husi Indonézia mai Timor-Leste, Governante ne’e lakohi esplika detallu, tanba prosesu investigasaun la’o hela.

“Ha’u lakohi tama to’o iha ne’ebá. Ita hotu hatene, média hatene, prosesu ne’e la’o hela, iha loron hirak liu ba ita nia Polísia Nasional Timor-Leste (PNTL) parte Servisu Investigasaun Kriminál (SIK) sira hala’o sira-nia kna’ar halo detensaun ba jestór Elite Computer no CEO Telemor. Importante liu ba ita mak parte hotu nu’udár sidadaun ne’ebé di’ak oinsa ita kolabora, atu nune’e bele kontribui ba prosessu ne’e. Investigasaun la’o hela, ita hein katak investigasaun ne’e sei hatúr situasaun ne’ebé mak loos”, hateten José Agostinho.

Iha loron 23, fulan ne’e, SIK detein ona suspeitu TVB iha edifísiu Telemor iha Timor Plaza CBD andar 3 no iha loron hanesan kaptura mós DP iha nia servisu fatin Colmera-Díli.

Detensaun ne’e halo bazeia ba despaixu Tribunál Distritál Díli (TDD), tanba deskonfia komete kazu Burla Informátika no Fraude Fiskál, hodi fornese rede internet ilegál mai Governu no mós ba PNTL.

Iha Tersa (24/11) halo buska ba sala sistema sentrál Kompañia Elite Computer iha Colmera Díli no deside hakotu rede internet, inklui rekolla dadus kliente sira ne’ebé durante ne’e hetan fornesimentu internet husi Elite Computer.

No iha Kinta (26/11) SIK halo tan detensaun ba Prezidente Autoridade Nacional Comunicação (ANC) ho inisiál JF, inklui apreende mós ninia sasan no veíkulu privadu. Iha loron hanesan TDD inísia ona Primeiru Interogatóriu ba suspeitu DP ho TVB. oct

Lee hotu :   FDD sei fo subsidiu ba agrikultor

Add to Comments Here!!!!

error: Content is protected.
Secured By miniOrange
You might also like:
Defende labarik sira, Governu kria Institutu Públiku Direitu Labarik

Liu husi Konsellu Ministru (KM), iha...

MEJD rejeita informasaun estudante 3.417 la liu iha Ezame Nasionál

Koordenadór Nasionál Kurikulum, Pedro Gonçalves, hateten,...

Timor-Leste hahú negosiasaun atu adere ba OMK

Konsellu Ministru (KM) iha Kuarta (25/11/2020)...

Close