JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Estudante iha fronteira balun eskola iha área Indonézia

Estudante iha fronteira balun eskola iha área Indonézia

Deputada bankada CNRT, Maria Barreto Gorumali, hateten, iha estudante Timor-oan balun iha fronteira hatais farda Merah Putih ba eskola iha área Indonézia nian. Tanba ne’e deputada bankada CNRT ne’e husu ba parte Governu atu identifika la-lais, tanba ida ne’e lori risku ba transmisaun COVID-19.

“Ita iha situasaun ida ne’ebé sériu duni atu tau atensaun mak iha komunidade ne’ebé mak hela iha Batugade Mota-Ain, besik liu entre imigrasaun Timor-Leste ho Indonézia nian, distánsia kuaze ,metru 500 de’it,  iha área mota nian, iha mós komunidade balun hela iha ne’ebá, kuaze uma kain 100 hanesan ne’e, laiha limitasaun entre Timor nian ho Indonézia nian no sira-nia movimentu tama-sai livre loos. Ida ne’e presiza tau atensaun ba família ne’ebé mak hela iha ne’ebá. Tanba tuir informasaun ne’ebé ha’u hetan mós, ita-nia estudante Timor-oan balun uza farda Merah Putih ba eskola iha Mota-Ain  parte Silawan, ida ne’e sai mós ameasa tebes ba ita, oinsa para bele asegura iha fronteira, liu-liu iha Mota-Ain ne’ebé mak distánsia entre Batugade ho Silawan ne’e estrada mak fahe de’it”, relata deputada opozisaun ne’e iha Parlamentu Nasional (PN), Kuarta (20/01/2021).

Hatán ba asuntu ne’e, Ministru Asuntu Parlamentár no Komunikasaun Sosiál (MAPKOMS), Francisco Jerónimo, hateten, nia parte sei transmite informasaun refere ba ministériu kompetente,  hodi bele tau atensaun urjente.

“Informasaun hirak ne’e, ha’u sei enkamina ba ministériu kompetente, atu tau atensaun”, tenik Governante ne’e.

Entretantu Governu hasa’i ona desizaun taka fronteira terrestre ho indonézia, inklui bandu komunidade tama-sai iha fronteira, liu-liu movimentu ilegál sira, hodi prevene transmisaun COVID-19.

Dau-daun ne’e Indonézia rejista ona kazu pozitivu 927, inklui Nusa Tenggara Timur (NTT) rejista ona kazu pozitivu 3,152, rekupera 1,759 no hamate ona ema na’in 90. say

Lee hotu :   FRETILIN husu AIFAESA halo inspesaun ba sasán sira iha loja

Add to Comments Here!!!!

error: Content is protected.
Secured By miniOrange
You might also like:
PNSIK asegura estatua deskonfia iha droga

Polísia Nasionál Servisu Investigasaun Kriminál (PNSIK)...

PR husu PN halo revizaun ba lei eleitoral

Prezidente Repúblika (PR), Francisco Guterres “Lú...

TDD termina ona prosesu sivíl 382

Inísiu tinan 2020, Tribunál Distritál Díli...

Close