JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN husu Governu izola totál suku identifikadu transmisaun lokál COVID-19

PN husu Governu izola totál suku identifikadu transmisaun lokál COVID-19

Deputadu bankada Fretilin, Joaquim dos Santos, husu Governu atu izola totál komunidade hosi aldeia Klauhalek, suku Belulik leten ne’ebé identifika ona iha transmisaun lokál ba moras COVID-19, nune’e labele da’et ba aldeia no suku seluk-tan.

Prezidente komisaun A ne’e, husu populasaun sira iha fronteira, atu iha sentimentu patriotizmu, no obedese ba desizaun Estadu nian, atu labele tama sai ilegál, tanba bele lori risku ba populasaun.

Maske nune’e, membru parlamentu ne’e, husu Governu, atu tau atensaun mós ba nesesidade bázika populasaun iha aldeia ka suku ne’ebé halo izolamentu, hodi evita sira-nia movimentu ba fatin seluk.

“Temporariamente tenke halo ona izolamentu, para MS bele hala’o nia knár, para bele konsege konfirma 100% katak laiha ona mak foin loke fali dalan, para ita atu salva interese de maioria Estadu nian. Tuir loloos ne’e ita labele hetan transmisaun lokál, tanba ita-nia sidadaun balun iha fronteira ne’e dezobediente, favór ida ita rona malu ba, Governu ida ita fó fiar ba ne’e, nia halo servisu ne’e ita tenke rona saida mak nia ko’alia. Se hakarak mate karik, mate mesak de’it, labele lori ema seluk atu ba mate hamutuk ho nia,”afirma deputadu Joaquim  iha resintu PN, Kuarta (24/02/2021).

 Alénde ne’e, tuir deputadu CNRT, Patrocinío Fernandes, maske iha ona transmisaun lokál, maibe seidauk iha prioriedade atu halo lockdown total, tanba iha implikasaun boot, maibe izola de’it área ne’ebé identifikadu.

“Governu presiza tau atensaun maka’as konsentra ba reforsa sira-nia medida prevensaun ba moras ida ne’e, tanba ida ne’e perigu ba ita-nia povu, duke konsetra ba troka funsionárius tun sa’e, di’ak liu konsentra ba oinsa buka medidas ida di’ak liu para atu tahan hodi labele alarga tan transmisaun lokál ba komunidade hotu-hotu. Prevene transmisaun ho medidas rigorozu, para labele da’et ba hotu-hotu, maibe labele lockdown total, para ema ne’e bele buka nia moris, movimentu hodi bele buka sira-nia vida.”dehan.

Lee hotu :   Opozisaun fó votus a favor ba OJE ■Sujere Governu ezekuta ho transparansia

Liu hosi teste masál ne’ebé Ministériu Saúde halo, deteta ona ema nain neen ne’ebé pozitivu COVID-19, hosi aldeia Klauhalek, suku Belulik-Leten, postu administrativu Fohorem, munisípiu Covalima.

Enkuantu Nusa Tenggara Timur ne’ebé viziñu liu ho Timor-Leste, rejista hela kazu pozitivu 8,586, no hamate ona ema 223, no rekuperadu 6,040.Say

Add to Comments Here!!!!

error: Content is protected.
Secured By miniOrange
You might also like:
TL rejista tan kazu pozitivu foun COVID-19 rua, rekuperadu neen

Sala Situasaun, Sentro Integradu Jestau Krize, ...

Timor-oan iha rai-liur nia vistu mate, PN husu Governu rezolve

Deputadu PLP, Abel Pires, husu Governu...

Traballadór ida mate tanba monu husi andar-leten

Traballadór  Timor-oan ida  naran Raimundo monu...

Close