JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Embaixadór EUA ba TL ho Horta vizita Xanana iha Lagoa Tasi-Tolu

Embaixadór EUA ba TL ho Horta vizita Xanana iha Lagoa Tasi-Tolu

Eis Prezidente Repúblika, José Ramos Horta ho embaixadór Estadu Unidu Amérika (EUA) ba Timor Leste Kevin Blackstone, Domingu (18/4/2021), vizita líder karismátiku Kay Rala Xanana Gusmão, iha Lagoa Tasi-Tolu hodi haree progresu supa bee husi Lagoa ne’e atu nune’e bele hafasil komunidade sira bele la’o ba-mai ho diak. Tanba durante ne’e komunidade iha área refere uza transporte marítima hodi transporta ba-mai.

Ramos Horta ho Kevin Blackstone hasoru Xanana iha Tasi Tolu, ne’e Horta introduz kedas embaixadór EUA ba Timor-Leste foun ba  Xanana.

Iha okaziaun ne Xanana hatudu progresu husi bee ne’ebé Xanana ho ekipa tékniku halo durante ne’e ba  Kevin Balckstone. Nune’e Kevin Blackstone ho ain-tanan tama ba iha bee Lagoa Tasi Tolu hamutukk ho Xanana hodi sira dada lia.

Diplomata ne’e hakarak tebes hasoru Xanana, tanba ne’e mak iha oportunidade ida ne´e nia bele hasoru direta ho Xanana iha Tasi Tolu, hodi koalia kona-ba servisu hirak ne’e. “Ha’u hakarak hasoru ita iha ne’e bainhira haree ita-nia servisu”,dehan Kevin Blackstone.

Nune’e eis Prezidente Repúblika, Kay Rala Xanana Gusmão introduz ba Kevin Blackstone, katak antes ne’e bee iha Lagoa Tasi Tolu sa’e to’o nia ain-tur,  maibe agora bee komesa tun. Xanana mos espera bee bele tun lalais hodi nune´e komunidade sira bele fila-fali ba sira-nia uma.

“Antes ne’e rai oan ida ne’eba ne’e ita la haree, maibe agora ita haree, bee komesa tun. Populasaun sira-balun nia uma, bee sa’e (to’o ain tur)”,Xanana esplika ba Horta ho Kevin Blackstone kona-ba progresu servisu hirak ne’e.

Diplomata ne’emos apresia tebes Xanana niaI vontade no laran luak hodi apoia  vítima inundasaun sira, liu-liu sira ne’ebé labele hela iha sira-nia uma hanesan Tasi Tolu, tanba bee nalihun iha sira-nia uma.GMN

Lee hotu :   PN aprova lei KAK ho unanimidade

Add to Comments Here!!!!

error: Content is protected.
Secured By miniOrange
You might also like:
COVID-19: Kazu konfirmadu foun 70

Koordenadór Forsa-Tarefa bá Prevensaun no Mitigasaun...

Korea kontribui USD100,000 ba asisténsia umanitária iha TL

Governu Korea kontribui 100,000 dollar Americano...

MOQURA-X prontu fó apoiu ba Xanana iha kualker situasaun

Movimentu Quadru Rezistensia e Rezistensia Apoiu...

Close