JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu sei kriminaliza entidade halo infraestrutura laiha kualidade

Governu sei kriminaliza entidade halo infraestrutura laiha kualidade

Governu sei kriminaliza entidade sira ne’ebé, halo infraestrutura laiha kualidade iha Timor- Leste, tamba Governu labele simu justifikasaun buat hotu ho dezastre natural de’it.

Primeiru Ministru, Taur Matan Ruak, hato’o lia hirak ne’e iha debate Orsamentu Retifikativu, Tersa (20/04), iha uma fukun Parlamentu Nasionál.

“Sim tuir mai ita tenki kriminaliza ita nia tékniku sira, tantu tékniku husi Obras Públikas, husi ADN no ida ne’ebé de’it involve iha konstrusaun infraestrutura iha ita nia nasaun, inklui emprezariu sira, sé ita hakarak seriu ba ita nia an no seriu ba ema seluk, porque ita labele simu, ita labele justifika buat hotu ba dezastre naturais de’it, iha ita nia aktus no ita nia responsabilidade mos involve iha ne’e, tamba ne’e mak governu preparadu los”, hatete Primeiru Ministru.

Xefe Governu ne’e hatete, kualidade konstrusaun infraestrutura iha nasaun ne’e, presiza re-organiza, no tenke kriminaliza entidade sira ne’ebé envolve iha, konstrusaun ne’ebé laiha kualidade.

“Hau rasik orienta ita situasaun, ita nia komportamentu ba situasaun ida iha tinan 2 to’o 3 tutuir malu iha prinsipiu 3, primeiru konsentra liu ita nia atensaun ba rezultadu e menus ba prosesu, segundu ita konsentra liu ba ema do que ba birokrasia, terseiru mak ita tenki preparadu ba mudansa sira, governu prepara an ida ne’e, governu haruka proposta lei orsamentu jestaun finanseira ne’ebe bele ajuda ita atu hatama iha ambiente ida konstante para que ita labele lori regras medidas prosesu prosedimentu antigu hodi responde ba dezafiu komum”, esplika Xefe Ezekutivu.

Tuir Primeiru Ministru, governu sei halo esforsu tomak atu halo mudansa ba lei sira ne’ebé iha, tanba dezastre naturál ne’ebé akontese, fó lisaun bo’ot ba entidade hotu-hotu iha nasaun ne’e, atu organiza-an ho di’ak liu tan.

Lee hotu :   FRETILIN lamenta sidadaun balun kuarantena iha lona okos

“Mas governu halo esforsu tomak para que halo mudansa ruma iha ita nia lei aprovizionamentu no kontratu sira, situasaun dezastre naturais tinan 2 tutuir  malu ne’e fo lisan bo’ot mai ita, primeiru ita tenki organiza an diak liu,segundu ita tenki ezijenti ba ita nia an rasik, responsabiliza ba ita nia an ,ba ita nia aktu hotu ne’ebe lori konsikuensia ba ita nia sidadaun sira no ba ita nia nasaun rasik”, hatete Taur Matan Ruak.

Alénde ne’e, Governu mós prepara-an ona, iha proposta Lei Orsamentu Jestaun Finanseira, ne’ebé bele ajuda, adapta-an iha ambiente ida ne’ebé konstante, hodi responde ba dezafiu foun.

Laiha partidu ida mak aproveita

Primeiru Ministru mos hatete, laiha partidu ida maka aproveita situasaun inundasaun ne’e hodi fó benefisia ba nia an, tanba ita hotu oituan oituan, ita nia familia, sidadaun terus no sofre iha momentu nebe ita hotu tenki fó liman ba malu.

“Iha hau nia diskursu iha fatin2 hau hatete,laiha partidu ida que uza situasaun ida ne’e ba benefisiu nia an laiha,ita hotu oituan–oituan ita nia familia sidadaun terus no sofre iha momentu que ita hotu fo liman, Ida ne’e obriga Governu halo levantamentu ida ,depois ajuda Governu intende dimensaun sosiedade ita hotu orgaun estadu intende dimensaun destroisaun ne’e hodi reorganiza ita nia an hodi responde trasa polikas publikas ne’ebé diak ,estratejia no ita nia planu no mobiliza rekursus finanseiru para ita halo nia rekonstrusaun ,tamba ne’e mak hau nia pedidu para ita rezolve ne’ebé afetadu ba ita nia sidadaun sira”, dehan Xefe Governu.

Taur Matan Ruak husu ba familia hotu iha teritóriu Timor laran tomak, atu fó liman ba malu hodi hamutuk tau matan ba populasaun ne’ebé sai vítima iha inundasaun nebe akontese foin lalais ne’e.

Lee hotu :   OJE 2021 promulgadu, Governu presiza rezolve ona problema infra-estrutura

Pxefe Governu ne’e mós agradese ba  Komisaun C Parlamentu Nasional (PN), ne’ebé trata asuntu Finansas Públikus, tamba ho situasaun ne’ebé populasaun infrenta iha dezastre naturais ne’e, presiza duni apoiu Parlamentu Nasional nian.Tos

Add to Comments Here!!!!

error: Content is protected.
Secured By miniOrange
You might also like:
Fasilita informasaun ba públiku, AACTL lansa website

Autoridade Aviasun Sivíl Timor-Leste (AACTL-sigla portugés),...

Eletrisidade soke mate tékniku Telkomcel na’in rua

Tékniku Telkomcel na’in rua, eletridade soke...

SS husu SIJK hadia sistema evakuasaun pasiente COVID-19

Sosiedade Sivíl (SS) liu husi Forum...

Close