JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana: Ema la mate ba COVID-19, Governu labele inventa

Xanana: Ema la mate ba COVID-19, Governu labele inventa

Líder nasionál Kay Rala Xanana  Gusmão, Segunda (12/4/2021), haksesuk malu ho Ministra Saúde, Odete Maria Freitas Belo iha resintu izolamentu  Verra-Cruz, tanba matebian Armindo Borges nia mate, liu-liu Xanana husu ba Governu atu povu tau konfiansa labele inventa tun-sa’e katak ema la’ós mate ba COVID-19, maibe dehan ema mate ba COVID-19.

Matebian   Armindo Borges  idade 47, hakotu iis iha   Hospital Nacional Guido Valadares  iha Domingu  (11/04/2021) mais ou menus tuku sanulu resin ida kalan, oras Timor-Leste,  tanba moras komplikasaun, maibé tuir  informasaun  husi parte saúde matebian mate akompaña ho COVID-19  nune’e transporta mai iha  sala izolamentu  iha Verra-Cruz hodi hala’o seremonia funerál iha Metinaro regra protokolu Ministériu Saúde.

Maibé  parte  família rejeita Armindo  Borges mate ho COVID-19, tanba antes ne’e matebiain  Armindo Borges sofre moras komplikasaun hanesan struk.

Tanba ne’e Kay Rala Xanana Gusmão  ho kalsa badak no kamiza mutin tuun iha terenu hodi haksesuk malu  diretamente ho Ministra  Saúde iha sala izolamentu COVID-19 Vera Cruz Caicoli, hodi husu ekipa Ministériu Saúde entrega mate-isin Armindo Borges ba sira-nia família, tanba   matebian ne’e mate la’ós tanba COVID-19, maibé matebian sofre moras komplikasaun ka struk.

Hafoin haksesuk malu, Xanana fila tuur iha portaun sala izolamentu Verra-Cruz. No akompaña husi  família matebian no komunidade.

Xanana hateten,  se bainhira ekipa saúde la entrega matebian Armindo ba nia família hodi hala’o seremonia  funerál mak nia sei tuur nafatin iha portaun izolamentu.

“Katuas ne’e moras hanesan ema katuas nian ba Hospital dehan fali Covid, labele! Labele inventa hanesan ne’e. Imi servisu la di’ak ne’e mak ami la fiar. Ha’u hein iha ne’e. Ha’u hakarak ajuda imi atu fó fiar ba povu katak, imi servisu di’ak, se servisu hanesan ne’e deskulpa. Buat ida COVID ne’e ha’u la’o ba fat-fain dehan ba povu katak, Covid ne’e moras ida duni iha mundu oras ne’e, ha’u hatene. Maibe imi (Governu) labele halo hanesan ne’e oinsa mak ami atu fiar. Ha’u hela iha ne’e, semana ida mós  ha’u tuur iha ne’e. Ambulánsia sai, ami halo rahun tiha”,esplika  Líder Nasionál Kay Rala Xanana Gusmão, ba Ministra Saúde Odete Maria Freitas Belo, iha resintu izolamentu Verra-Cruz.

Lee hotu :   PN husu VIII Governu responde povu nia halerik ba bee moos

Xanana dehan, nia respeita tebes Ministériu Saúde nia protokolu, maibé Xanana sei apela ba komunidade moras bo’ot labele ba hala’o tratamentu iha hospital.

Hatán ba kestaun ne’e, Ministra Saúde Odete Maria Freitas Belo, hateten,  husi loron ba loron komunidade  ba hala’o hela tratamentu iha hospital.

“Komunidade tenke ba, sira atu ba tan ne’ebé ita iha mak Hospital Nacional Guido Valadares e, iha mak sentru saúde, avo Nana sira mak harii, avo Nana Prezidente Repúblika, avo Nana Primeiru Ministru, imi mak harii tiha ami sira hamrik iha ne’e atu fiar ba se. Ami hatene ami iha erru, maibé labele kurize ho modelu ida nune’e”,dehan Odete Maria Freitas Belo.

Xanana  hatán fali MS Odete Maria Freitas Belo katak, nia sei mantein iha resintu izolamentu  Verra-Cruz.

“So Polísia mai kaer ha’u, lori ha’u ba Bekora, ha’u ba. Mas atu haruka fila ba uma, ha’u la sai husi ida ne’e”,dehan Xanana.avi

Add to Comments Here!!!!

error: Content is protected.
Secured By miniOrange
You might also like:
Família konsege salva Agustinho hosi rai ne’ebé taka tomak nia isin-lolon

Família konsege salva vítima Agustinho Neno,...

PM Taur orienta PNTL buka tuir grupu lansa boatu Tsunami

Primeiru Ministru (PM), Taur Matan Ruak,...

AJAR: Servisu saúde labele fó prioridade liu ba COVID-19

Diretór Asia Justice and Rigths (AJAR),...

Close