JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MAE inaugura projetu PNDS iha Bobonaro

MAE inaugura projetu PNDS iha Bobonaro

Ministru Administrasaun Estatal (MAE), Miguel Carvalho ho Prezidente Autoridade Munisípiu Bobonaro, Sábadu (25/7/), halo inaugurasaun estrada no valeta iha suku Ritabou.

Hafoin inaugura, MAE, Miguel Carvalho, hateten, sei kontinua dezenvole suku sira iha Timor-Leste, liu husi Programa Nasional Dezenvolvimentu Suku (PNDS).

“Programa Nasional Dezenvolvimentu Suku nu’udar programa nasionál ida ne’ebé Governu Timor-Leste implementa hanesan polítika foun ba dezenvolvimentu komunitária ne’ebé hetan apoiu tékniku no orsamentu husi Governu ho parseiru sira, ne’e duni programa ne’e sai prioridade dahuluk ba Governu daualu atu rezolve nesesidade importante ne’ebé ba povu tomak hein”, hateten Miguel Carvalho ba GMN iha Munisípiu Bobonaro, hafoin inaugura.

Governante ne’e informa, kada projetu kontrusaun estrada no valeta iha suku tolu suku ida gasta  USD 41.000.

“Projetu dezenvolvimentu rural ne’e kada konstrusaun gasta USD rihun 41 no sei fó benefisia ba komunidade husi aldeia suku Ritabou, suku Odomau no Holsa ne’ebé pertense ba postu administrativu Maliana Vila, tanba sira mak sei uza dalan hodi halo movimentu ba mai iha sira nia suku laran”, informa Miguel.

Prezidente Autoridade Munisípiu Bobonaro, Zeferino Soares, agradese ba Governu, liu-liu programa PNDS ne’ebé aloka orsamentu ba sira nia munisípiu Bobonaro hodi halo dezenvolvimentu iha suku 18 no hetan ona inaugurasaun husi Governu sentral.

Partisipa iha inaugurasaun projetu refere Ministru Administrasaun Estatál, Miguel Carvalho, akompaña husi Prezidente Administrasaun Munisípiu Bobonaro Zeferino, Diretór Jerál PNDS, Claudinha Soares Pinto, ho mós Autoridade lokál sira. aba

Lee hotu :   Rai-halai taka estrada Díli-Covalima

Add to Comments Here!!!!

error: Content is protected.
Secured By miniOrange
You might also like:
PNTL Liquiça prende motorizada 30

Polísia Nasionál Timor-Leste (PNTL), liu husi...

Hadook-an husi COVID-19, OMS-TL husu povu kontinua kumpre medida preventiva

FOTO: GOOGLE Reprezentante Organizasaun Mundiál Saúde...

Estrada Laclubar difikulta movimentu transporte públiku

Koridór liga suku Cribas ba postu...

Close