Governu sei halo diálogu ho membru ASEAN

Ministra Negósiu Estranjeiru no Kooperasaun (MNEK), Adaljiza Magno, relata,  Governu Timor-Leste sei halo diálogu ho membru Association of Southeast Asian Nations (ASEAN), hodi ko’alia kona-bá preparasaun Timor-Leste atu sai membru permanente ASEAN.

“Atu hatete ba Primeiru Ministru (PM) katak, ita-nia adezaun ba ASEAN ne’e no pilar ekonómiku sei remata iha loron 7 to’o 9, fulan Dezembru, preparasaun téknika adere ba ASEAN hotu ona, ikus liu ho asesu ba pilar ekonómiku”, MNEK ne’e iha Palásiu Governu, Tersa (17/11/2020).

Governante ne’e esplika, prosesu preparasaun téknika hotu ona, agora oinsa bele halo afirmasaun polítiku nivél altu entre membru Governu sira, oinsa bele halo diálogu ho nasaun ASEAN sira, hodi haree ba Timor-Leste nia preparasaun sai membru permanente ASEAN.

“Afirmasaun polítika ne’e hanesan, hatudu ita-nia vontade katak, ita prontu kolabora kuandu sai membru ASEAN, tanba preparasaun tékniku kuaze hotu ona, agora ita tenke hanoin fali oinsa atu halo diálogu”, tenik Adaljiza. cin