JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Finalista UNTL 697 simu graduasaun

Finalista UNTL 697 simu graduasaun

Universidade Nasionál Timor Lorosa’e (UNTL) fó graduasaun ba finalista ano letivu 2018 hamutuk 697, husi faculdade 9.

Iha nia diskursu ba seremónia graduasaun ne’e, Reitor UNTL Francisco Miquel Martins, hato’o agradesimentu ba inan aman no parentes sira hotu ne’ebé tau ona konfiansa ba UNTL  ho nia estrutura no dosente sira hotu hodi ona sira durante tinan barak nia laran.

“Ita ku’u nia fuan ne’ebé ita kuda, trata kuida kedas iha tinan hirak liu ba, bainhira tau ain iha UNTL. Ba graduadu sira imi konsege ona ultra passa obtaklus oin-oin intermus akadémiku finanseiru, osan laiha buat hotu difisil, maibé ikus mai hetan susesu”, hateten Francisco Miquel iha Centru Convensoens Dili (CCD), Segunda (11/12/2018).

Francisco konsidera, loron importante ne’e, finalista sira hetan ona vitória bo’ot husi luta naruk husi loron primeiru sira tau ain iha UNTL.

“Imi iha UNTL tuir prosedimetu legal UNTL nian, imi halo kompleta ona nune’e ho serimónia ida ne’e, UNTL entrega hikas fali ba inan aman nomós ba komindade”, katak Francisco.

Maibé Francisco dehan, vitória ne’ebé finalista sira ne’e hetan ona, sei lori fali dezafiu foun iha sira nia moris lor-loron.

“Hanesan ema hateten, imi la hetan servisu buka servisu husi fatin ida ba fatin seluk, maibé lalika des-anima, foti oin hateke ba los katak, tanba ho dalen indonézia nian katak, kagagalan adalah keberhasilan yang tertunda”, relata Francisco.

Entretantu, graduada Della Guiana das Dores senti kontenti ho valor ne’ebé nia hetan, tanba ida ne’e hanesan rezultadu husi esforsu ne’ebé nia halo durante tinan barak iha UNTL.

“Ha’u senti kontenti ho valor ne’ebé ha’u hetan, maibé la’os para de’it iha pasu ida ne’e, maibé ha’u hakarak ba futuru sei kontinua ba Maestradu ne’e mak ha’u nia mehi no familia nia mehi”, katak Della.

Lee hotu :   Moras ispa domina iha sentru saúde Metinaro

Graduadu 697 ne’e, mai husi fakuldade 9 iha UNTL mak hanesan, Agrikultura, Enjeneria Siensia no Teknolojia, Ekonomia no jestaun, Medisina Jeral no Siensia Saúde, Direito, Mestradu Pos-Graduasaun no peskija, Edukasaun Arte no Humanidade, Siensia Sosiais no Filosofia.

Husi graduadu 697 ne’e, nain 9 mak hetan prestasaun valor ne’ebé mak di’ak.sis

Add to Comments Here!!!!

error: Content is protected.
Secured By miniOrange
You might also like:
Embaixada Portugal tenki kria kondisaun dignu ba Timor-oan

Reprezentante povu iha Parlamentu Nasional (PN)...

CNRT:Deklarasaun Alkatiri halo konfuzaun públiku

Bankada CNRT iha Parlamentu Nasionál (PN),...

Alkatiri: Semináriu Nasionál FM hanesan kampaña

Prezidenti Rejiaun Administrativa Espesial Oe-cusse Ambeno...

Close