JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dom Basílio husu Dosente ISFT Fatumeta fahe matenek ba estudante sira

Dom  Basílio husu Dosente ISFT Fatumeta fahe matenek ba estudante sira

Bispo Diocese  Baucau, Dom Basílio do Nascimento, husu ba dosente sira iha Institutu Ensinu  Superior Filosofia no Teologia (ISFT),  Dom Jaime Garcia Goulart Fatumeta, Atu fahe matenek ne’ebé mak sira iha ba estudante atu habelar Jesus Kristu nia naran iha nasuan Doben Timor-Leste.

Tuir Dom Basílio, dosente  sira tenki fahe sira-nia matenek no sira-nia vida ba estudante sira, tanba liu husi matenek ne’ebé mak dosente sira fó, bele prepara estudante sira oinsa habelar Jesus Kristu nia naran, iha sira-nia moris no iha rai doben Timor Leste, iha tempu agora no ba futuru.

“ISFT, harii hanesan instituisaun superior uma kreda nian, no haree liu-liu atu dezenvolve pensamentu filosofia, pensamentu teolojia, la’os ko’alia de’it gaba an, la’os de’it idak-idak hateten dehan, ha’u mak matenek liu, maibé ita-nia matenek ne’e hotu vale pelumenus segundu prespektiva uma ida ne’e nian. Kuandu ita esforsa aan atu hateten dehan Jesus  Kristu prezelesaun, Jesus Kristu nian ne’e, ohin loron sei nafatin, sei ita ko’alia relasaun hanesan istória hotu ho Jesus Kristu, maibé renovasaun ho Jesus  Kristu, kuñesimentu de Deus, atraves ho Jesus Kristu ne’e, renovasaun ida ne’e kontinua iha ita-nia tempu, ne’e duni ba profesores sira, kontinua nafatin fahe ita bo’ot sira-nia matenek, ita  bo’ot sira-nia esperensia ita bo’ot sira-nia vida, hodi halo katak, imi nia lísitiu ida ne’e, aprende husi ita bo’ot sira-nia matenek, oinsa mak sira tenki prepara aan,atu habot no habelar  Jesus Kristu nia naran iha ita nia nasaun ida ne’e, nomós ita-nia tempu ida ne’e”, Dom  Basílio do Nascimento hateten iha nia homilia, bainhira prezidi misa  tinan anoletivu 2019, no aniversáriu estabelesimentu Institutu Superior  Filosofia no Teolojia Dom Jaime Garcia Goulart  Fatumeta ba dala hitu, iha Fatumeta Díli Sesta (9/2/2019).

Lee hotu :   Moras ispa domina iha sentru saúde Metinaro

Alende husu  dosente sira atu fahe sira-nia matenek ba estudante sira, Dom Virgilio mós husu ba estudante sira atu estuda didi’ak,  hodi bele sai estudante ida ne’ebé mak matenek, tanba bainhira estudante sira matenek, mak fiar mós sei forte liu.

“Ba imi estudante sira, kuantu mais ita hatene, ita-nia fiar forti liu, tanba la’e ne’e ita dehan filosófia  mak ne’e ona, o ba haree karau nia ten mós mak dehan matenek mak ne’e ona, fiar buan, fiar matan dok, fiar matan besik, ida ne’e mós matenek ona, no depois amu lulik balun  inves sai amu lulik, sai fali ukun nain, ita  bo’ot sira hamnasa, maibé ida ne’e realidade”, relata Dom Basílio.

Dom Basílio haktuir, hanesan estudante, iha tempu agora hamamuk aan ho sentimentu orgullu, hodi hamamuk aan liu husi espíritu Maromak nian, rona no simu saida mak profesores sira fó.

“Kuandu ita le livru balun dehan Kristu atu hotu, uma kreda atu hotu, buat ne’e ha’u kaer nafatin sei buat ne’e Maromak nian, ita bo’ot sira bele tebe rai to’o kalsa monu, maibé buat ida sei la akontese, ne’e duni kuandu ita haree krize uma kreda nian, grasa Maromak nian ne’ebé ema dehan uma kreda sei hotu, tanba ema dehan eskandal Amo Bispo ida ne’e nian, tanba eskandal Cardial nian, la’os tanba ida ne’e, maibé tanba sala ema idak-idak nian, uma kreda presiza nafatin nia ema, balun di’ak, balun ladun di’ak, maibé buat ida importante uma kreda presiza nafatin nia ema”, relata Dom Basílio.

Alende ne’e, Reitor Institutu Superior  Filosofia no Teolojia, Dom Jaime Garcia Goulart Fatumeta, Padre Domingos Alves da Costa, promete sei fó matenek ne’ebé mak sira iha ba estudante sira, atu estudante sira bele sai  futuru nasaun no igreja nian ne’ebé matenek, iha moral, disiplina no responsavel.

Lee hotu :   MS deve Hospital Internasional sira milaun 6 USD

“Amo Bispo nia mensajen atu hotu-hotu simu naroman husi Espíritu Santu atu sai matanek. Iha ne’e aprende atu sai ema matebek, ema ne’ebé iha moral disiplina no reponsavel, tanba buat hotu ne’ebé mak atu forma ema ida ne’e integradu, tanba ne’e estudante sira tenki estuda ba oin nafatin, no profesores sira fó sira-nia matenek, tanba iha ne’e   dosente mesak amu lulik hotu de’it, ne’ebé mesak formado iha S2 balun S3, nomós balun husi rai liur hanesan Portugal, Brazil, Australia nomós Indonézia no Macau, ne’ebé mai iha ne’e hodi fó sira-nia matenek ba Timor-oan sira hotu atu  aban bainrua bele sai joven  ida ne’ebé mak sai reflesaun, krítiku no lojika”, hateten Padre Domingos Alves da Costa.

Partisipa misa anoletivu tinan 2019 no aniversáriu  Institutu Superior Filosofia no Teolojia ba da la hitu ne’e, Bispu  Diocese Baucau, Dom  Basílio do Nascimento, Bispo Diocese Maliana, Dom Norberto  do Amaral, Dosente no estudante inklui komunidade balun iha área Fatumeta.ola

 

Add to Comments Here!!!!

error: Content is protected.
Secured By miniOrange
You might also like:
Tempu badak, Governu sei prosesa millaun USD 650 ba ConocoPhillips ho Shell

VIII Governu konstitusional ne’ebé lidera husi...

Pasa revista iha kalan, PNTL prende rama ambon

Polísia Nasionál Timor-Leste (PNTL) Munisípiu Díli,...

DIA 10/02/19 || GMNTV LIVE STREAM || JORNAL NASIONAL KALAN

Close