JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

DJ-HNGV rekoñese aimoruk Leukimia laiha duni ■VMS Bonifácio la hatene

DJ-HNGV rekoñese aimoruk Leukimia laiha duni ■VMS Bonifácio la hatene

Diretór Jerál (DJ) Hospital Nasionál Guido Valadares (HNGV), Aniceto Barreto, hateten, aimoruk atu kura moras Leukimia iha HNGV laiha duni no foin mak Ministériu Saúde halo planu atu sosa aimoruk ne’ebé refere.

Tanba ne’e Aniceto Barreto, rekoñese, pasiente sira hala´o fali  tratamentu iha klínika Bairro-Pite, tanba sira mak iha.

“Portantu governu tinan ne´e mak foin tau planu atu bele tama iha medikamentu ida be estandar Timor nian, ita tenke hatama lai medikamentu Timor-Leste (TL) nian. Se ida ne´e mak seidauk tama  entaun sira hatama iha lista médiku espesialista sira”, Afirma Aniceto Barreto ba Jornalista sira iha HNGV Kinta (01/08/2019).

Nia esplika, aimoruk ne´e ajuda husi nasaun doador sira que seidauk liu Ministériu Saúde (MS) liu kliníka bairo pite, sira mak rai aimoruk ne´eba tanba ajensia sira husi estranjeiru ne´e fó aimoruk sira mak rai, maibé tratamentu diagnóstika iha HNGV kompletu no haruka pasiente ba foti aimoruk deit iha ne´eba.

Nia afirma tan katak, governu liu husi Ministériu Saúde iha ona planu no tinan oin sira ne’e bele aranja ou kopera direita ho ajensia ne´ebé ajuda aimoruk ne´e atu bele lalika suporta tan liu husi kliníka privada sira, maibé liu ajensia instituisaun formal sira inklui formasia nasionál Ministériu Saúde nian atu nune´e labele lori pasiente mai halo diagnostiku iha ne´e, maibé foti fali aimoruk husi fatin seluk ida ne´e prezisa duni hadia.

“Tratamentu ba leukimia ne´e laos aimoruk oin ida deit, aimotuk ne´e minimu mais de tolu. Tratamentu leukimia maioria ita haruka sira ba rai liur tanba diagnostika atu identifika ba kazu mós iha liur, tanba aimoruk sira ne´ebé prezisa ba tratamentu iha liur ne´e sira mai ho nia rejime pakote kompletu mak foin submete ba Ministériu Saúde atu bele kompras, maibé rai lolos iha hospital laiha”.

Lee hotu :   HNGV rekoñese kondisaun hariis-fatin ladi’ak

Aniceto promete sei hadia iha etapa ida ne´e, tanba iha ona negosiasaun hela bele hetan took suporta aimoruk ne´e laos husi Australia deit maibé husi mós Singapura atu ajuda iha tempu dadak.

VMS Bonifácio la hatene

Maske Hospital Nasional Guido Valadares infrenta krize Aimoruk Leokimia, maibe Vise Ministru  Saúde (VMS) no Ministru Saúde em Ezersísiu,  Bonifácio Maukoli dos Reis, seidauk hatene informasaun kona-ba problema refere.

“Aimoruk leukimia iha HNGV laiha ha’u seidauk hatene ,maibe hau sei konfirma ho sira husi SAMES ,konaba problema klinika Bairupite ne’ebé infrenta krize finanseira ne’e ami ministeriu saúde planu ona no sei haree orsamentu tetu fiscal tinan 2020 nian hodi fó apoiu no aimoruk balun”, dehan Vise Ministru  Saúde no Ministru Saúde em Ezersísiu  Bonifácio Maukoli dos Reis,ba Jornalista sira iha Plasiu Governu.

Pasiente ne’ebé sofre moras Leokimia ka kankru ran Francisco Mendonça hetan  karta transferensia husi Hospital Nasional Guido Valadares hodi ba halo tratamentu iha Klinika Bairu Pite, tamba  aimoruk  Leokimia iha HNGV laiha, maske dadaun ne’e klinika Bairupite infernta krize finanseira, no ameasadu atu taka.

Konaba Klinika Bairupite ne’ebé oras ne’e dadaun infrenta hela krize finanseira ne’e, Bonifácio Maukoli dos Reis, promote iha tinan 2020 Ministeriu Saúde sei fó apoiu orsamentu no aimoruk balun.

Nune’e mos diretór Jerál Hospital Nasionál Guido Valadares (HNGV) Aniceto Barreto hateten, aimoruk atu kura moras leukimia laiha duni no foin mak Ministériu Saúde halo planu atu sosa aimoruk refere. No nia mós rekoñese pasiente sira hala´o fali  tratamentu iha kliníka Bairo Pite tanba iha aimoruk ida ba kronik leukimia iha HNGV laiha.Aes/Tos

Add to Comments Here!!!!

error: Content is protected.
Secured By miniOrange
You might also like:
Ekipa Juis-MP halo inspeksaun ba fatin akontesimentu Kuluhun ■Arguido nain rua deklara la tiru

Reprezentante Tribunal Distrital Díli, Juiza Srybuana...

Aniceto ameasa sei halo reasaun fíziku hasoru família pasiente

Diretór Jerál Hospital Nasionál Guido Valadares...

Arsenio Bano promete sei kontinua hala’o servisu ho di’ak iha RAEOA

Prezidenti Interinu Rejiaun Administrativa Espesial Oe-cusse...

Close