JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Fatin lixu Tibar ameasa komunidade Tibar nia saúde

Fatin lixu Tibar ameasa komunidade Tibar nia saúde

Postu saude Tibar kada loron rejista moras diáreia ho pasiente ho moras ispa no hipertensia 24, tanba kauza husi lixu no ahi suar husi lixu fatin Tibar.

Lixu mak sasan ne’ebé la uza ona material aat sira ou sasan liu prazu  Fonte lixu sira ne’e mai husi umakain, bazaar, restorante, edifísiu públiku fatin públiku sira, industria no estrada.

Iha Timor-Leste lixu porsentu haat nulu mak mai husi material orgânika hanesan, hahan restu no porsentu rua nulu mak mai husi protudu plástiku sira.

Tuir peskiza ne’ebé halo husi Banku Dezenvolvimentu Aziátiku iha tinan rihun rua sanulu resin lima relata, komunidade iha kapital Díli  kada loron produz  lixu toneladas atus rua rua nulu, husi númeru ne’e pursentu lima nulu resin lima maka tula ba soe iha lixeira Tibar, no pursentu haat nulu resin lima maka komunidade soe iha valeta, mota  hakoe no sunu.

Xefe Aldea Domingos da Concencão hateten, governu liu husi Servisu Saneamentu Munisípiu Díli servisu makas hamos Díli no raut foer sira iha lixeira iha kada Bairro, hodi ba soe iha lixeira Tibar, tanba konsidera ne’e nu’udar polítika jestaun lixu ne’ebé diak maibé, hamosu preokupasaun kona-ba jestaun lixeira Tibar ne’ebé la organizadu, tanba laiha tratamentu ne’ebé diak ba lixu sira ne’e, entaun fó impaktu ba saúde umana, inklui ambiente liu-liu kualidade rai.

“Ita ko’alia kona-ba lixeira Tibar, oras ne’e sai sentru ba lixu, sai mós kampu servisu ba komunidade balun ne’ebé hela besik iha área ne’e maibé, komunidade balun hela iha ne’e senti preokupa tebes ho lixu Tibar, tanba besik malu komunidade nia hela fatin, tanba ne’e husu ba governu atu halo moru. Ha’u nu’udar Autoridade lokal preokupa tebes ho lixu Tibar ne’ebé Saneamentu sunu hodi suar maka’as, hodi afeta tebes ba komunidade no labarik sira-nia saúde, tanba ne’e husu governu atu muda fatin lixu ne’e, se la’e halo moru nune’e komunidade labele naran tama iha fatin lixu nee’, no sei karik bele muda lixu dok husi sira-nia hela fatin nune’e labele fó impaktu ba ema nia saúde”, relata  Domingos da Concencão.

Lee hotu :   Suspeitu korta aviaun Sriwijaya kaptura husi ESA ■ Faustino: Sei reforsa seguransa iha Aeroportu Comoro

Habitante Bela Mendonça ne’ebé lor-loron halo atividade hili lata no kalen aat iha fatin lixu Tibar ne’e hatete, laiha dalan seluk, sira tenki ba iha lixeira ne’e halibur besi no lata aat hodi fa’an.

 “Ami nia to’os mak lixu Tibar, ne’eduni dadersan ami hein ona iha fatin lixu, nune’e kareta sira mai fakar ami hili lata no besi at sira ne’e hadi tetu, nune’e hetan osan ba sosa foos ho mina, no hahan restu balun ami hetan foti han tanba laiha dalan seluk, tanba governu sira ukun tinan barak ona maibé, la loke kampu de servisu ba Timor-oan”, katak Bela.

Alende ne’e, Responsavel Postu Saúde Tibar, Vicente Carvalho, hatete, lixu Tibar fó impaktu maka’as ba komunidade nia saúde, tanba besik kedas ho komunidade nia hela fatin.

Moras ne’ebé Postu saúde rejista mak moras diárea, hipertensia, ispa no isin katar,  no nain hat mate ona, tanba halo atividade direta iha lixu Tibar.

Tanba ne’e, Vicente husu ba Governu atu halo jestaun ba lixu Tibar ho diak atu evita moras grave sira.

Suku Tibar iha aldeia haat  kompostu husi aldeia Turlio Tubaulelo Mau-Soi no Fatunia ho total populasaun hamutuk rihun tolu atus hitu neen nulu resin ualu (3.768)

Aldeia ne’ebé afetadu liu mak Aldeia Libaulelo, ho total populasaun atus hitu ualu nulu resin lima (785) tanba hela besik lixu fatin Tibar.

Antes ne’e, Prezidente Repúblika, Fransisco Guteres Lu Olo mós preokupa tebes ho komunidade nia moris, li-liu iha Suku Tibar hodi halo atividade hili lata no han aihan liu prazu iha lixu Tibar.aba

Add to Comments Here!!!!

error: Content is protected.
Secured By miniOrange
You might also like:
Pe. Juvito: PN sai fali sede partidu, halakon interese povu

Amu Vigáriu Episkopal re-evanjelizasaun Dioseze Díli,...

Gualdinho da Silva: TL esforsu promove riku-soin petrolífera iha tasi no rai maran

Prezidente Autoridade Nasionál Petróleu no Minerál,...

Ramos Horta: Impase polítiku la’os bareira investimentu iha TL

Premiadu Nobel da Paz, José Ramos...

Close