JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Hasa’e kualidade dezempeñu no jestaun saúde, IRI ho PN konvoka diskusaun meza redonda

Hasa’e kualidade dezempeñu no jestaun saúde, IRI ho PN konvoka diskusaun meza redonda

Organizasaun International Republican Institute (IRI) konvoka diskusaun meza redonda ho komisaun F Parlamentu Nasionál (PN), ne’ebé trata asuntu sosiedade sivíl, jéneru no saúde, hamutuk ho ajentes saúde sira, hodi diskute kona bá preokupasaun no difikuldades sira iha área saúde, hodi haforsa jestaun ba ajentes saúde no fasilidades saúde sira, atu hasa’e dezempeñu servisu iha área saúde nian.

Esforsu ne’ebé mak husi Parlamentu iha mak, liu husi fiskalizasaun, husi komisaun saúde nian, atu bele rekomenda fila-fali ba ministériu relevante sira, tanba ita kuandu ko’alia saúde, la’os haree ba ministériu saúde de’it, ba mós ministériu relevante sira seluk, bazeia ba dadus ne’ebé ami hetan husi komunidade iha área rural, hodi rekomenda fali ba iha ministériu saúde, atu bele haree ba proekupasaun ida ne’e. Iha parte seluk, haree mós ba iha apoiu orsamentu nian, iha planu governu nian, no mós parte ida haree mós ba ezekusaun ministériu nian”, hateten prezidente komisaun F, Maria Bareto Gorumali ba jornalista sira, hafoin remata diskusaun meza redonda ne’e, iha salaun CVTL Bairro Formoza, Sesta (07/02/2020).

Deputada ne’e haktuir, durante diskusaun, sosiedade sivíl sira, hato’o preokupasaun barak liu kona-bá orsamentu, no fasilidade saúde, ne’ebé difikulta profisional saúde sira atu hala’o servisu ho kualidade.

“Preokupasaun husi sosidedade sivíl nian, primeiru sira preokupa maka’as mak, Orsamentu Jerál Estadu ne’ebé mak aloka ba iha Ministériu Saúde ki’ik liu, ne’e kuaze hotu-hotu hato’o, proekupasuan segundu mak kona-bá ekipamentus médiku ninian, ne’ebé oinsa atu bele fó atendimentu ne’ebé mak di’ak ba iha pasiente sira, iha parte seluk, sira mós foti preokupasaun kona-bá ba bee moos ba iha fasilidade saúde ninian, ne’ebé mak iha hospitál rejional no referal sira, inklui sentru saúde no postu saúde sira, oinsa mak atu bele haree fasilidade sira ne’e, tanba dalaruma fasilidade sira ne’e mós afeita ba iha médiku no profisional saúde sira, para oinsa mak atu bele fó atendimentu ida di’ak ba iha pasiente sira. Ida seluk sira mós preokupa kona-bá rekursu humanus iha parte saúde ninian, ne’ebé mak bele adekuadu hodi atende ba iha servisu saúde nian, liu-liu ba iha tratamentu saúde ba pasiente sira. Sira mós husu oinsa atu tau atensaun ba iha superior sira ne’ebé mak iha área saúde nian, para bele rezolve problema saúde sira ne’ebé TL sei enfrenta, liu-liu problema saúde ne’ebé mak públiku foti sai iha média sosial, ho nune’e bele rezolve problema hirak ne’e. Ida seluk, ajentes sira mós husu oinsa para tau atensaun ba moras hada’et sira, hanesan TBC ho HIV-SIDA, para oinsa prepara mós fatin izolamentu ida, atu labele da’et ema seluk, hodi fó mós atendimentu prioridade ba pasiente hirak ne’ebé sofre. Ida seluk kona-bá moras malária ka dengue, maske governu tau ona polítika katak zero malária, maibé dalaruma ita dehan zero malária, maibé ema ne’ebé mai husi rai liur importa moras malária mai TL, entaun ida ne’e mak ami mós hato’o katak, sei iha rekomendasaun ida ba ministériu saúde para oinsa atu bele tau atensaun ba iha ema hirak ne’ebé mak mai husi rai liur, nune’e labele hada’et moras mak polítika governu nian atinji ona zero malaria iha TL”, tenik Maria Bareto.

Lee hotu :   Ilibui: Tratamentu espesiál ba veteranu taka falta de’it

Iha fatin hanesan, senior programe manager, Carlito Nunes afirma, konvokasaun meza redonda ne’e, nu’udar oportunidade ba ajentes saúde sira, atu bele hato’o direitamente preokupasaun hotu ba reprezentante povu, hodi nune’e, iha futuru bele hetan solusaun.

“ Iha ne’e, sosiedade sivíl bele hato’o problema sira ne’ebé hasoru iha baze durante servisu ho komunidade, ba membru Parlamentu sira, para bele buka solusaun, ba problema ka preokupasaun sira ne’ebé mak durante ne’e sosiedade sivíl sira hasoru, liu-liu iha área saúde nian. IRI nia esforsu mak oinsa kria oportunidade entre sosiedade sivíl ho membru PN, liu husi komisaun F, para bele ko’alia asuntu ne’ebé mak relasaun ho saúde nian, ho oportunidade ne’e, sira (ajentes saúde) bele ko’alia diretamente ona, ita lakohi oportunidade ne’e ko’alia de’it iha média sosial ka facebook, defisil hetan solusaun ba problema sira ne’e, maibé ho oportunidade direitamente hanesan ne’e bele buka dalan ka solusaun ho fasil”, informa Nunes.

Durante diskusaun meza redonda, reprezentante órganizasaun saúde sira, husu ba membru Parlamentu Nasionál ne’ebé nu’udar mós polítiku, atu partidu ida-ida prepara nia rekursu ho di’akliu, nune’e bainhira ka’er ukun, bele koloka ka hatúr ema ne’ebé lolos iha área saúde nian, nune’e bele halo servisu saúde ne’e sai kualidade no jestaun la’o di’ak liu tan.

Aleinde ne’e, ajentes saúde sira mós sujere, atu komisaun F hatutan ba governu, oinsa tau priporidade mós ba programa ne’ebé atu prevene moras Tuberkuloze no HIV-SIDA, tanba moras refere sei oho Timor-oan barak iha futuru, bainhira la sériu iha prevensaun.say

Add to Comments Here!!!!

error: Content is protected.
Secured By miniOrange
You might also like:
CEPAD: Um possível novo Governo deve ter estrutura menos pesada

O Centro de Estudos para a...

Konfrontu iha Becora, PNTL detein joven na’in lima

Polísia Nasionál Timor-Leste (PNTL) munisípiu Díli,...

Lere: Líder istóriku sira mak bele hakotu impase polítiku

Xefi Estadu Maior  Jeneral F-FDTL, Major...

Close