JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SAMES: USD tokon 3 la sufisiente garante stock ai-moruk

SAMES: USD tokon 3 la sufisiente garante stock ai-moruk

Diretór Servisu Autónomu Medikamentu Ekipamentu Saúde (SAMES), Santana Martins, konsidera orsamentu fiskal USD tokon tolu (3) ne’ebé Governu aloka la sufisiente, hodi hola ai-moruk no garante stock ba tempu naruk ni’an.

Santana hateten, tuir SAMES nia preferénsia mak Governu tenke iha komitmentu ba pakote fiskal ho orsamentu USD tokon 10, atu bele garante pursentu 100 stock disponivel, hodi fasilita tratamentu sira ba tinan ida (1) ni’an.

“Kategória tolu (3) prioridade mak ida vital, esensial no non esensial, agora prioridade ba ai-moruk vital ne’ebé stock out, maibé ho 3.7 milhões labele kobre hotu kedas ba nesesidade nasaun presiza ba ai-moruk, tuir kálkulu presiza USD 9.3 to’o 10 milhões hodi kobre ba tinan 1, Governu tenke iha komitmentu ba pakote fiskal ba SAMES ne’e ho referénsia iha tinan 2018 bainhira hetan orsamentu USD 10.3 bele asegura stock out to’o 5%”, Diretór SAMES ba GMN iha ninia kna’ar fatin, Kampung Alor-Díli, Kinta (16-07-2020).

Santana relata, tuir indikadór nasionál ba VIII Governu mensiona iha nia polítika stock disponivel mak porsentu 20, ne’e stock nato’on hela no fasilidade saude porsentu 10, maibé SAMES nia preferénsia mak porsentu 100 stock tenke disponivel hodi fasilita tratamentu sira.

Husi sorin seluk, Diretór Nasionál Farmasia no Medikamentu, Alipio Gusmão Lopes, hateten, atu bele hadi’a jestaun medikamentu tenke iha dadus konsumu real ne’ebé rejista husi baze, nune’e bele halo pedidu kompras tuir nesesidade.

“Prosesu ita halo kuantifikasaun mai husi baze to’o mai Diresaun Nasionál Farmasia, kuantifikasaun ho konsumu real ne’ebé iha mak ita rekapitula, ita bazeia ba konsumu real ne’ebé sira fó mai, depois mak ita fó ba SAMES, hodi prosesu kontinua”, tenik Alipio.

Lee hotu :   SIJK entrega apoiu ekipamentu prevensaun COVID-19 ba seguransa iha fronteira

Entretantu Stock ai-moruk ne’ebé dau-daun ne’e iha armajen SAMES Díli, Baucau no Ainaro ho total item atus 4 resin, ne’ebé sei garante entre fulan 6 to’o fulan 18. ida

 

 

Add to Comments Here!!!!

error: Content is protected.
Secured By miniOrange
You might also like:
Eis PPN: Lei kriminaliza difamasaun, ita sei lakon liberdade espresaun

Eis Prezidente Parlamentu Nasionál (PPN), Arão...

Komisaun A finaliza ona relatóriu lei MPCC

Deputadu sira husi komisaun A ne’ebé...

PNTL manufahi detein membru KORK 66

Polísia Nasionál Timor-Leste (PNTL) munisípiu Manufahi...

Close