JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FDCH sei fó bolsa estudu ba kbi’it la’ek nia oan asesu ba universidade

FDCH sei fó bolsa estudu ba kbi’it la’ek nia oan asesu ba universidade

Prezidente Konsellu Administrasaun Fundu Dezenvolvimentu Kapital Umanu (FDCH-sigla Português), atual Ministru Ensinu Superior Siensia no Kultura (MESSK), Longuinhos dos Santos, hateten, bolsa estudu ne’ebé governu sei fó ba kbi’it laek nia oan sira ne’e la’os de’it iha universidade públiku, maibé ba mós universidade privadu sira ne’ebé hetan koñesimentu husi Governu.

Ho razaun, tanba hakarak fó prioridade ba kbi’it laek hotu atu asesu ba edukasaun.

“Ba bolsa estudu liu-liu husi MESSK nian ne’ebé maka ita atribui, liu-liu bolsa hakbi’it ka kbi’it laek ne’ebé maka ita atu fó bolsa ne’e iha rai-laran, liu-liu ba universidade hotu-hotu, universidade ne’ebé akredita hamutuk 18, tantu públiku no mos privadu, portantu kuandu ita rekruta ba bolsa hakbi’it ka bolsa kbi’it laek ne’e, ita atribui hotu ba universidade hot-hotu la’os deit universidade públiku, maibé universidade privadu mos,” Prezidente Konsellu Administrasaun FDCH ne’e ba GMN, Kinta (17/09/2020), iha salaun MESSK, Colmera-Díli.

Atuál MESSK ne’e esplika, iha mos programa prioridade ba manorin ne’ebé durante ne’e servisu ho diak, atu bele hasa’e  tan sira nia abilidade no koñesimentu iha área edukasaun.

“Ita mos atu atribui bolsa ida ne’e ba universidade privadu sira, liu-liu ba dosente sira ba universidade privadu ne’ebé maka liu-liu atu eleva sira nia kualidade, atu hasa’e sira nia nivel akademiku, ita bo’ot sira haree katak kuandu atu hanorin kandidatu ba lisensiatura tenke ema mestradu, rekursu mai husi ema mestradu, entaun ho hanoin ida ne’e maka MESSK, atu bele hasa’e grau akadémika ida ne’e, liu-liu ba institutu ensinu superior privadu sira, dosente sira,” dehan, Longuinhos dos Santos.

Antes ne’e, iha loron (12/09/2020), MESSK informa, Governu sei fasilita família kbi’it la’ek sira nia oan, hamutuk atus sia resin atu asesu ba Universidade Nasional Timor-Lorosa’e (UNTL) no Instituto Politékniku Betano. Jen

Lee hotu :   Estudante nain 4 UNPAZ sei halo estudu komparativu iha Japaun

Add to Comments Here!!!!

error: Content is protected.
Secured By miniOrange
You might also like:
Sidadaun Xinéz ida hetan tuda iha Comoro

Sidadaun Xinéz ida hetan tuda husi...

Durante EE, PNTL kaptura ona membru PSHT 290

Komandante Jerál Polísia Nasionál Timor-Leste (PNTL),...

PN aprova pedidu urjénsia ba proposta OJE 2020

Deputadu sira liu hosi plenária estraordinária,...

Close