JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TL rejista hikas COVID-19 foun ida

TL rejista hikas COVID-19 foun ida

Timor-Leste (TL) rejista hikas kazu konfirmadu COVID-19 sidadaun estranjeiru mane ho idade 39 na’in ida, iha loron 27, fulan ne’e no agora kontinua hela prosesu izolamentu iha sala izolamentu Vera Cruz.

“Kazu pozitivu konfirmadu hahú hatama fali iha izolamentu, sidadaun ne’e mane idade 39 viajen husi Medan Indonézia ba Jakarta iha dia 11 Setembro, iha Jakarta toba kalan ida, depois husi Jakarta mai Kupang iha dia 12, toba kalan ida no sidadaun ne’e mai halo viajen mai Timor iha dia 13 de Setembro”, Diretora Jerál Prestasaun Saúde, Ministériu Saúde (MS), Odete Viegas da Silva liu husi konferénsia ba imprensa iha sala izolamentu Vera Cruz, Segunda (28-09-2020).

Pasajeiru ne’ebé mai hamutuk ho pasiente ne’e hamutuk 168 ne’ebé na’in 166 kontinua ba prosesu kuarentena no na’in 2 autokuarentena, ema ne’ebé kumpre kuarentena hamutuk ho pasiente hamutuk na’in 13 no agora hahú prosesu kuarentena foun ba loron dahuluk ni’an.

Odete relata, tuir dadus ne’ebé rekolla hahú husi loron 6, fulan Marsu, tinan ne’e, númeru kazu konfirmadu COVID-19 hamutuk na’in 28 no husi númeru ne’e na’in 27 rekuperadu ona.

Totál teste kumulativu hamutuk na’in 7791, ho rezultadu negativu hamutuk na’in 7270 no sira ne’ebé hein rezultadu hamutuk 493.

Totál sidadaun ne’ebé kontinua kumpre prosesu kuarentena no autokuarentena hamutuk 810, kompostu husi kuarentena na’in 521, kompostu iha Díli na’in 435 no munisípiu 86.

Sidadaun ne’ebé autokuarentena hamutuk 289, kompostu husi Díli na’in 156 no sira ne’ebé iha munisípiu hamutuk na’in 133, sira ne’ebé pasa ona loron 14 hamutuk 4379, mai husi Díli hamutuk 3648 no munisípiu hamutuk 731.

Entretantu, hahú husi loron 2, fulan ne’e, to’o loron 18, númeru sidadaun ne’ebé kontinua tama-sai ilegál hamutuk 386 no sira ne’ebé sei kontinua prosesu kuarentena hamutuk 155, kompostu husi Díli 106, Suai na’in 29 no Reziaun Administrativa Espesiál Oe-Cusse Ambeno (RAEOA) na’in 20. ida

Lee hotu :   Deputadu no funsionáriu PN moras ba tratamentu iha ospitál Malázia

Add to Comments Here!!!!

error: Content is protected.
Secured By miniOrange
You might also like:
Governu la tau osan ba pagamentu projetu 43 iha OJE 2020

Vise Prezidente Komisaun E trata asuntu...

Tempu badak Alkatiri sei keixa Ângela Freitas ba MP

Xefe bankada FRETILIN, deputadu Francisco Miranda...

CNRT: Presiza halo auditoria ba dívida tokon USD 4 iha Timor GAP

Vise Xefe bankada CNRT, Patrocínio Fernandes, husu Prezidente...

Close