JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu sei eleva kapasidade HNGV sai Ospitál Internasionál

Governu sei eleva kapasidade HNGV sai Ospitál Internasionál

Ministra Saúde, Odete Maria Freitas Belo, hateten, Governu iha hanoin atu eleva kapasidade Hospital Nacional Guido Valadares (HNGV) no prepara kondisaun di’ak liu, antes tama ba mehi Ospitál Internasionál nian.

Governante hato’o asuntu ne’e, relasiona ho rekomendasaun deputadu sira iha Parlamentu Nasionál (PN) ne’ebé hakarak iha Ospitál internasionál iha Timor-Leste, nune’e prevene halo transferénsia pasiente ba rai-liur ne’ebé ho gastu boot.

 “Ita-nia HNGV mak ita hakarak atu eleva ninia kapasidade, tanba ida ne’e mak ita nia Ospitál nasionál, maibe la taka dalan ba ita atu bele iha mós Ospitál sub-espesialista sira nian, ba espesializadu nian, ezemplu hanesan Ospitál ba fuan nian, ita bele iha ida ne’e. Kuandu ospitál ida hanesan ne’e iha ona, ita hein katak akordu ne’ebé mak ami iha ne’e bele estabelese no ita bele implementa ona. Ita presiza haree uluk lai ospitál ita nian agora ne’e, ita hadi‘a nei-neik, ita hadia uluk saída mak iha ne’e lai, ita koko hadi’a, hafoin ita tama ba pasu seluk. Klínika korasaun nian ita iha ona, ita presiza haree ba moras ida ne’ebé mak ita halo transferénsia barak-liu, ne’e mak moras kankru, entaun sé ita labele halo operasaun iha ne’e, pelu menus ita bele halo tratamentu, entaun ita bele reduz ona nia kustu,” Tenik Odete ba jornalista sira hafoin audiénsia ho komisaun F iha Parlamentu Nasionál (PN), Sesta (16/10/2020).

Alénde ne’e, Ministra saúde, relata, iha ona pedidu hosi empreza privadu balun ne’ebé husu atu harí tan ospitál, maibé Governu rekomenda atu harí ospitál ne’ebé ho nia espesialidade ruma, nune’e bele reforsa HNGV.

“ Depois ita-nia servisu ho parseiru sira iha klínika privadu sira ne’ebé mak iha ona pedidu balun, hosi empreza privadu sira ne’ebé mak hakarak atu halo ospitál. Entaun ami hateten ba sira dehan sé imi halo ospitál, halo ospitál ida ne’ebé mak Guido Valadares presiza ninia apoiu, entaun sira koko atu la’o tuir saída mak ita hakarak, sira labele loke fali ospitál ne’ebé mak hanesan de’it ho Guido Valadares. Maibé tenke loke ospitál ne’ebé mak ninia espesialidade ne’e tenke iha para sé ita presiza, la presiza haruka to’o rai-liur, maibé transfere de’it ba ospitál privadu refere,” tenik Governante ne’e.

Antes ne’e, deputadu bankada PD, Mariano Assanami Sabino, liu husi plenária iha PN foin la-lais ne’e, husu Governu atu harí Ospitál Internasionál ida, hodi reduz gastu halo transferénsia pasiente ba rai-liur. Say

Lee hotu :   TL-Indonézia asina MoU ba kontrolu moras hada’et

Add to Comments Here!!!!

error: Content is protected.
Secured By miniOrange
You might also like:
Deskonfia ta’a ema iha merkadu Taibessi, PNTL identifika suspeitu ida

Polisia Nasionál Timor-Leste (PNTL), Eskuadra Na’in...

Saturnino: CPD-RDTL la’ós ilegál

Sekretáriu Setór Tres Unidade Nasionál Juventude...

Xanana Gusmão: Estadu tenke tau atensaun ba ferik-katuas sira

Eis Prezidente Repúblika, Kay Rala Xanana...

Close