JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komunidade ladun konsumu hahan nutritivu

Komunidade ladun konsumu hahan nutritivu

Xefe Seguransa Ai-han no Informasaun Sekretariadu Konsellu Nasionál ba Seguransa Soberania Ai-han no Nutrisaun iha Timor-Leste (KONSSANTIL), Rofino Soares Gusmão, hatete, tuir observasaun ne’ebé KONSSANTIL halo iha terenu haree katak, komunidade prefere liu hili kuantidade hahan do que haree ba kualidade hahan.

“Ita nia komunidade prefere liu hili kuantidade de hahan do que kualidade de hahan, kuantidade de ai-han signifika katak, sira to’o ohin loron seidauk hare liu ba iha kualidade ai-han nutritivu, maibé sira haree liu ba presu ai-han ne’ebé mak baratu, ne’e signifika ohin ha’u bele fa’an ha’u nia produtu ne’ebé mak folin karun, ha’u fó ezemplu de’it Ayam Potong, manu Timor ne’ebé mak sira hakiak sira bele fa’an ba USD 10, bele sosa fali Ayam Potong ho presu USD 3 ni’an, ne’e kuantidade hahan mak sira tenke presiza, maibé ladauk haree ba iha kualidade de hahan”, Xefe Seguransa Ai-han no Informasaun Sekretariadu KOSSANTIL ne’e ba GMN iha ninia kna’ar fatin, Comoro-Díli, Kuarta (30-09-2020).

Tuir Rofino, ema ne’ebé iha rendementu di’ak prefere liu hili kualidade hahan ou hakarak han hahan ne’ebé nutritivu, maibé ema ne’ebé iha rendimentu mínimu hili hahan ne’ebé importa husi liur, tanba folin baratu.

“Folin foos produtu lokál ita halo komparasaun kuaze 1.75 centavos ate 1 dolar por cilograma, maibé ita haree ba folin foos importasaun ita haree folin 0.40 to’o 0.50 centavos por cilo, ne’ebé ita haree dalaruma sira fa’an tiha foos lokál ne’ebé sira produs, ba sosa fali produtu ne’ebé mak importadu”, tenik nia.

Iha parte seluk, Diretór Kompañia ACELDA, Ijinho da Costa Freitas, hatete, hahú husi tinan 2006 to’o agora, povu Timor nafatin dependente ba ai-han importasaun, tanba ne’e nu’udár emprezáriu Timor-Oan hakarak investe maka’as iha área agrikultura, hodi hasa’e produtu rai-laran.

 “Ami mesak labele halo buat ida ita presiza servisu hamutuk entre setór privadu, setór públiku, setór kooperativa, ita suporta malu, atu nune’e ita bele hasa’e ita nia produsaun iha rai-laran nei-neik ba nei-neik ita bele hamenus importasaun mai husi rai-liur, tanba sa mak ha’u dehan hanesan ne’e, ita nia produtu rai laran ne’e ha’u hanoin katak ninia nutrisaun maka’as”, afirma nia.

Entretantu dau-daun ne’e Governu komesa halo sensibilizasaun ba komunidade kona-bá ai-han importasaun, tanba dalabarak ai-han importasaun ne’e bele fó impaktu negativu ba ema nia saúde. eni

Lee hotu :   MS SEI APOIA ORSAMENTU RIHUN USD 180 BA KLÍNIKA BAIRO-PITÉ

Add to Comments Here!!!!

error: Content is protected.
Secured By miniOrange
You might also like:
Avelino: Joven tenke uza koñesimentu kontribui ba dezenvolvimentu

Jurista Timor-Oan, Avelino Coelho, apela ba...

Orsamentu Privativu PN 2021 aloka boot liu ba saláriu-vensimentu

Sekretária Jerál Parlamentu Nasionál (PN), Cedelizia...

Suku Fatumakerek sai inspirasaun ba Xanana bainhira lidera funu

Líder karismátiku, Kay Rala Xanana Gusmão,...

Close