JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TL rejista hikas kazu COVID-19 ativu foun ida

TL rejista hikas kazu COVID-19 ativu foun ida

Koordenadora Jerál Corona Virus Disease 2019 (COVID-19), Odete da Silva Viegas, hatete, iha loron 26, fulan ne’e, Timor Leste (TL) rejista hikas kazu pozitivu COVID-19 foun ida, nu’udár sidadaun Indonézia ho idade 59.

Aproveita mós biban ida ne’e atu deklara ba públiku katak TL rejista tan kazu foun iha loron ohin, hanesan tuir mai ne’e, pasajeiru ho idade 59, sexu mane ne’e ho sintoma mear iha dia 22 no 23 Outubro 2020, pasajeiru ne’ebé pozitivu halo viajen husi Indonézia, Makassar ba Surabaya iha dia 15 Outubro 2020, ho aviaun Lion Air, husi Surabaya ba Kupang iha dia 15 Outobro 2020, ho aviaun Lion Air, husi Kupang ba Atambua iha dia 15 Outobro 2020, ho kareta rental iha dia 16 de Outobro, husi Atambua ba Batugade-Díli no tama iha kuarentena iha Hotel Beach Garden, pasiente refere dau-daun ne’e lori ona ba fatin izolamentu Vera Cruz Díli”, Koordenadora Jerál COVID-19 ne’e liu husi konferénsia ba imprensa iha salaun Palásiu das Cínzas, Caicoli-Díli, Segunda (26-10-2020).

Tuir Odete, to’o ohin loron surtu COVID-19 sei sai nafatin prekupasaun mundiál no fó ameasa ba saúde públika. Ho nune’e, Ministériu Saúde (MS) liu husi Komisaun Nasionál COVID-19 apela ba populasaun tomak atu mantein kalma no kumpre nafatin medida preventive sira.

“Husu ba komunidade hotu atu mantein kalma no kumpre nafatin medida preventiva COVID-19 liu husi uza máskara, Distansiamentu fíziku no sosiál, fase-liman bei-beik ho sabaun, dala ida tan hakarak apela ba komunidade hamutuk ho autoridade lokál sira iha área fronteira atu kontrola komunidade sira ne’ebé tama ilegalmente husi rai ketan mai teritóriu TL”.

Koordenadora Jerál COVID-19 ne’e mós kontinua husu ba fasilidade públika sira hanesan merkadu, eskola no uma-orasaun sira atu mantein nafatin medida preventiva ba COVID-19 iha serimónia ka rituál sira hotu.

Entretantu pasiente COVID-19 sidadaun Pakistaun ne’ebé baixa hahú husi loron 10, fulan Outubru, iha Sentru Izolamentu Vera Cruz, alta ona iha loron 26, fulan ne’e, tanba rezultadu teste hatudu negativu.

Tuir dadus husi MS iha loron 26, fulan Outubru, tinan 2020, totál númeru teste 10635, hein rezultadu 352, rekuperadu 29, rezultadu negativu 10253, sidadaun ne’ebé tama illegal hahú husi loron 1 to’o 25 fulan Outubru, tinan ne’e, hamutuk 24, totál kuarentena 362, pasa ona kuarentena loron 14 hamutuk 5462. eni

Lee hotu :   Timor-Leste com maior incidência de tuberculose no Sudeste Asiático

Add to Comments Here!!!!

error: Content is protected.
Secured By miniOrange
You might also like:
KE-KSDS apoia PR Lú Olo dekreta EE ba dahitu

Konsellu Estadu (KE) no Konsellu Superior...

Promove artista rai-laran, Grupu Eleven Entertainment realiza konsertu amizade

Diretór Jerál Grupu Eleven Entertainment, Nelio...

Governu diskrimina saláriu ba profesór kontratadu

Profesór kontratadu, Eurico Filipe Ximenes Belo,...

Close