JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FKD-MS koopera elimina TBC iha Baucau

FKD-MS koopera elimina TBC iha Baucau

Fundasaun Klibur Domin (FKD) hamutuk ho Ministeriu Saúde (MS) halo abertura ba programa eliminasaun moras tuberculose (TBC) iha munisípiu Baucau, liu husi kria liña koordenasuan entre autoridade lokál ho pesoál saúde sira.

“Ita-nia objetivu prinsipál ne’e konvida autoridade lokál sira atu fahe informasaun kona-bá saída mak moras TBC, oinsa sira bele partisipa iha programa ida ne’e hodi apoiu pesoál saúde sira implementa atividade detensaun kazu ba moras TBC iha komunidade, tanba sira-nia funsaun ne’e importante tebes no ne’e la’ós responsabilidade MS de’it, maibé entidade hotu, inklui autoridade lokál, voluntáriu, komunidade no parseiru sira, nune’e bele servisu hamutuk hanesan ekipa forte ida para oinsa halakon la-lais moras TBC iha Timor”, Diretór Ezekutivu FKD, Joaquim Freitas Soares ba GMN iha sala enkontru Servisu Saúde Munisípiu Baucau, Segunda (23-11-2020).

Nia subliña, Timor-Leste sai hanesan nasaun daruak iha Sudeste Aziátiku hafoin Koreia du Sul ne’ebé sofre moras TBC maka’as, nune’e fó atensaun ba ema hotu atu apoiu servisu saúde, hodi halakon moras refere.

Durante ne’e ekipa FKD konsentra de’it iha munisípiu Ermera, Liquiça no Bobonaro, maibé iha tinan ida ne’e hakat ba munsípiu Baucau, hodi reforsa kapasidade rekursu umanu, tékniku no reforsa finanseiru, hodi deteta moras TBC la-lais, hodi fó tratamentu no hakotu transmisaun TBC iha Baucau.

Adminstradór munisípiu Baucau, António Augusto Guterres, agradese tebes ba FKD no MS, tanba bele habelar programa ne’e to’o iha munisípiu Baucau, hodi identifika transmisaun moras ne’e to’o iha ne’ebé.

“Provizoriamente ha’u seidauk iha dadus konkreta kona-bá populasaun iha suku 59 ne’e no populasaun 183,54 no uma-kain rihun 34 ne’e pursentu hira mak hetan moras ne’e”, tenik Adminstradór munisípiu Baucau ne’e.

António espera, ho programa ne’e bele apoiu servisu iha sentru saúde 9, postu saúde 28, ho programa SISCA 60 no pesoál voluntáriu saúde ne’ebé iha suku, sira bele servisu hamutuk hodi fasilita no promove saúde no programa ida ne’e, hodi elimina moras ida ne’e iha komunidade nia leet.

Iha fatin hanesan, Xefe Aldeia Parlamento, suku Trilolo, Manuel Freitas ne’ebé sai hanesan partisipante iha prosesu abertura ne’e kontente tebes ho prezensa FKD nian, tanba hasa’e koñesimentu komunidade nian kona-bá TBC. ida

Lee hotu :   MS lansa númeru hotline atende saúde mental no psikososial

Add to Comments Here!!!!

error: Content is protected.
Secured By miniOrange
You might also like:
Governu sei integra veteranu sira dezenvolve setór agrikultura

Vise Ministru Agrikultura no Peska (MAP),...

Sosiedade Sivíl: Governu presiza investe ba setór edukasaun

Koordenadór Nasionál Civil Society Éducation Partnership...

Prevene diskute estensaun EE kada fulan, PN rekomenda ba PR promulga LPS

Parlamentu Nasionál (PN) sujere ba Prezidente...

Close