JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MNE-RI hato’o solidariedade ba Xanana

MNE-RI hato’o solidariedade ba Xanana

FOTO: MedSos

Ministra Negósiu Estranjeiru (MNE) Repúblika Indonézia (RI), Retno Marsudi, hodi povu Indonéziu nia naran entrega karta solidariedade iha ai-funan ba eis komandante em xefe FALINTIL, Kay Rala Xanana Gusmão ne’ebé hala’o tratamentu (check up) ba nia saúde iha Ospitál Militár Gatot Subroto Jakarta ho susesu.

Nune’e eis Prezidente Repúblika, Kay Rala Xanana Gusmão ne’ebé simu karta solidariedade ho ai-funan ne’e, agradese ba Ministra Retno ho povu Indonézia sira hotu, tanba hatudu simpatia ba nia durante check up ninia saúde iha Jakarta.

La haluha Xanana Gusmão mós lori povu Timor-Leste nia naran hato’o agradesimentu ba atensaun ho simpatia povu Indonézia ba povu Timor-Leste.

Iha karta solidariedade ne’e, Retno Marsudi, hato’o ksolok, tanba prosesu check up ba saúde Xanana Gusmão nian la’o ho di’ak no hein katak rekupera la-lais hodi hala’o fali servisu iha Timor-Leste.

Ohin Check up daruak ba nia saúde

Eis komandante em xefe FALINTIL, Kay Rala Xanana Gusmão, tuir planu Segunda (23/11/2020), sei halo medical check up ba nia saúde ba segunda faze nian iha Ospitál Militár Gatot Subroto Jakarta, Indonézia, ne’ebé sei foku liu ba iha tratamentu matan Xanana Gusmão nian.

Iha loron 18, fulan Novembru, líder nasionál, Kay Rala Xanana Gusmão, dezloka ba Jakarta hodi hala’o check up ka tratamentu ba nia saúde iha Ospitál Militár Gatot Subroto, Jakarta-Indonézia. Iha loron 19, fulan Novembru, Xanana Gusmão tama iha Ospitál refere husi dader to’o kalan ho hetan konsulta médiku direta husi Doutor Terawan Agus Putranto, atuál Ministru Saúde Indonézia ho susesu.

“Maun Boot Xanana sei halo tan konsulta segunda faze iha ospitál hanesan, hodi bele hatene rezultadu finál tratamentu saúde ida ne’e”, deklara fonte konfirmadu husi Jakarta ne’ebé lakohi publika nia identidade ba GMN, Sábadu (21/11/2020).

Líder nasionál, Kay Rala Xanana Gusmão, agradese ba povu tomak iha Timor-Leste ba orasaun, hodi nune’e konsulta moras la’o ho susesu. Xanana mós agradese ba atensaun Ministru Saúde, doutor Terawan Agus Putranto ne’ebé fó atensaun maka’as loos iha check up ka tratamentu ba nia saúde.

FOTO: MedSos

Lee hotu :   IPDS IDENTIFIKA ESTUDANTE SIRA UZA TEMPU BARAK LIU HALIMAR FACEBOOK

Maske Ministru Saúde Indonézia doutor Terawan okupadu tebes ho pandemia COVID-19 iha ninia rai, maibé tanba relasaun di’ak doutor Terawan ho líder karismátiku Xanana Gusmão, nia rasik ba halo konsulta diretu ba Xanana, hatudu katak relasaun di’ak entre Xanana ho doutor Terawan ho respeitu ne’ebé povu Indonézia fo ba Xanana.

Xanana Gusmão mós agradese ba doutor Terawan nia tempu hodi halo atendimentu no agradese mós ba Ospitál Militár Gatot Subroto nia atensaun tomak. GMN

Add to Comments Here!!!!

error: Content is protected.
Secured By miniOrange
You might also like:
MS já transferiu mais de 20 doentes para o estrangeiro durante EE

O Diretor Nacional do Apoio Hospitalar...

Reitor da UNPAZ: Economia de TL cai 6%

O Reitor da Universidade da Paz...

Daniel do Carmo: Governo falha na preparação da distribuição da Cesta Básica

O Diretor-Executivo do Fórum das Organizações...

Close