Xanana fila ona mai Timor-Leste, halo auto-kuarentena iha Balibar

Líder Karismátiku, Kay Rala Xanana Gusmão, Sábadu (28/11/2020) ne’e fila ona mai Timor-Leste ho aviaun jet privadu, hafoin halo tratamentu saúde iha Indonézia.

Iha tuku 13:40 oras Timor Leste, líder nasionál Xanana Gusmão akompaña ho nia ekipa doutora to’o iha Aeroportu Internasionál Nicolau Lobato ho aviaun jet privadu, hafoin hala’o tratamentu saúde durante semana ida resin iha Jakarta-Indonézia.

Nune’e Xanana tún husi aviaun povu rihun resin ba simu líder karismátiku ne’e iha aeroportu, hodi fó “viva maun boot Xanana, viva komandante em xefe FALINTIL, Timor sei presiza ita-nia tulun”.

Xanana to’o iha Timor-Leste no simu direta husi Diretora Jerál Prestasaun Saúde Ministériu Saúde (MS), Odete Viegas ho nia ekipa no lori kedas líder karismátiku ba auto-kuarentena durante loron 14 iha ninia rezidénsia Balibar-Díli.

Durante halo tratamentu iha Jakarta, Ministru saúde indonézia, Terawan Agus Putranto tun direta hodi halo tratamentu ba Xanana Gusmão iha ospitál militár Gatot Subroto. aba