JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu aprova nomeisaun ba Reitór UNTL foun

Governu aprova nomeisaun ba Reitór UNTL foun

Governu halo ona aprovasaun hodi nomeia Profesór Doutor, João Soares Martins nu’udar Reitór foun ba Universidade Nasionál Timor Lorosa’e (UNTL), hafoin hetan votus husi estrutura Konsellu Jerál UNTL.

“Konsellu Ministru (KM) konfirma nomeasaun Profesór Doutor, João Soares Martins hanesan Reitór UNTL ba mandatu ho periódu tinan 5, liu husi proposta Ministru Ensinu Superior, Siénsia no Kultura (MESSK) nian”, Ministru Prezidénsia Konsellu Ministru (MPKM), Fidelis Manuel Leite Magalhães liu husi konferénsia imprensa hafoin partisipa enkontru KM iha Palásiu Governu, Kuarta (13-01-2021).

Governu nomeia Reitór foun ba UNTL ne’e hodi troka Profesór Doutor, Fransisco Miguel Martins ne’ebé lidera ona UNTL husi tinan 2016 to’o 2020.

KM aprova mós konteúdu memorandu intendimentu ne’ebé sei asina ho Embaixada Repúblika Koreia no Korea International Cooperation Agency (KOICA) relasiona ho projetu dezenvolvimentu desportu ba labarik sira iha Timor-Leste.

“Ministru Edukasaun Juventude no Desportu (MEJD) simu poderes tomak husi KM, hodi bele asina, nune’e lori Timor-Leste nia naran”, tenik Governante ne’e.

Entretantu projetu ne’e ho hanoin atu promove partisipasaun labarik sira nian iha atividade desportiva no sensibiliza ba públiku injeral ba dezenvolvimentu infantil liu husi atividade desportiva.

Iha enkontru ne’e, Governu aprova proposta husi Ministru Asuntu Parlamentár no Komunikasaun Sosiál (MAPKOMS) hodi nomeia Manuel Pinto sai hanesan Prezidente Konsellu Diretivu Ajénsia Notisioza Timor-Leste Tatoli ba periódu tinan 4 nia-laran. ida

Lee hotu :   Deputadu no funsionáriu PN moras ba tratamentu iha ospitál Malázia

Add to Comments Here!!!!

error: Content is protected.
Secured By miniOrange
You might also like:
MOP sei nomeia membru Konsellu Administrasaun EDTL, EP

Ministériu Obras Públika (MOP) iha tempu...

TL adia graduasaun kategoria nasaun em desenvolvimento

Governu Timor-Leste (TL) deside adia graduasaun...

Os Verdes ho Fitun sei kompleta rekezitu iha tempu badak

Hafoin simu notifikasaun iha inísiu fulan...

Close