JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazál ida pozitivu COVID-19

Kazál ida pozitivu COVID-19

Ministériu Saúde (MS) iha loron 13, fulan Janeiru, tinan 2021 ne’e detekta tan kazu COVID-19 pozitivu rua nu’udar fen-la’en ne’ebé halo viajen husi Indonézia mai Timor-Leste liu husi dalan ilegál husi fronteira Atambua-Indonézia, mai Maliana-Timor-Leste.

“Update kazu pozitivu (13 Janeiru 2020), Sidadaun Timor-oan nain rua, la’en ho idade 48 anos, fen ho idade 39 anos, sidadaun na’in rua ne’e asintomátiku. Viajen husi Tangerang, Jakarta, iha loron 21, fulan Dezembru, tinan 2020, ho aviaun Garuda Airlines mai Kupang, toba kalan ida iha Hotel Timore no sai husi Kupang mai Atambua iha loron 22, fulan Dezembru, tinan 2020 ho kareta rentál no hela semana ida liu iha Hotel Matahari, sai husi Atambua mai Mota-Ain ho família nia kareta. Iha kareta laran totál ema hamutuk na’in haat (4), inklui ho driver no família rua seluk fila ba Atambua”, Koordenadora Jerál Komisaun Nasionál COVID-19, Odete da Silva Viegas ba jornalista sira liu husi konferénsia imprensa iha salaun Palaçio das Cínzas, Caicoli-Díli, Kuarta (13-01-2021).

Koordenadora Jerál Komisaun Nasionál COVID-19 ne’e informa, sidadaun nain rua ne’e to’o iha fronteira Mota-Ain Unidade Patrullamentu Fronteira (UPF) deteta no tula iha kareta mai entrega ba kuarentena Mota-Ain, nune’e ekipa vijilánsia kontinua lori mai iha sala izolamentu Vera Cruz.

“Sira na’in rua liu husi Mota-Ain, tanba POE Mota-Ain taka hela, entaun sidadaun refere tama tuir postu UPF Badut Mean no forsa UPF tula iha kareta mai entrega iha Kuarentena Mota-Ain. Sidadaun na’in rua ne’e, kumpre hela kuarentena iha Mota-Ain, Batugade. Ekipa vijilánsia SSM Bobonaro hasa’i ona sira nia Swab Test iha loron 11, fulan Janeiru, tinan 2021. Rezultadu teste pozitivu sai iha loron 12, Janeiru, tinan 2021”, tenik nia.

Tuir Odete, ho númeru kazu pozitivu COVID 19 ne’ebé kontinua rejista iha Timor-Leste, Ministériu Saúde (MS) husu ba públiku, autoridade lokál no populasaun tomak, liu-liu sira ne’ebé hela besik fronteira terestre atu kontrola nafatin movimentu sidadaun sira hakat ba mai liña fronteira ilegalmente, nune’e evita lori COVID 19 mai rai-laran.

“Ba komunidade, liu-liu ba joven sira husu atu nafatin kolabora no kumpre ho disiplina regra distansiamentu sosiál koletivu, uza nafatin máskara, wainhira sirkula iha fatin públiku no fatin ne’ebé iha ema barak, hanesan fatin selebrasaun relijioza, loja, servisu fatin, basar no seluk tan. Fase-liman bei-beik no evita kose liman ba ibun, inus no matan”, tenik Koordenadora Jerál Komisaun Nasionál COVID-19 ne’e.

Iha oportunidade ne’e mós Odete relata públiku katak, iha mós lista pasiente ne’ebé rekupera iha loron 13, fulan Janeiru, tinan 2021.

Entretantu dadus MS iha loron 13, fulan Janeiru, tinan 2021, hatudu totál númeru teste 17834, hein rezultadu 214. Totál kumulativu kazu 51, rekuperadu 49, kazu foun 2, númeru baixa 6, rezultadu negativu 17569, tama ilegál periódu 31 Dezembru 2020-12 Janeiru 2021 hamutuk 22 (Díli: 0 Munisípiu: 22), totál kuarentena 93 (Díli: 27, Munisípiu: 66), auto kuarantena 79, pasa Kuarentena 14 dias 7316 (Díli: 6067, Munisípiu: 1249). eni

Lee hotu :   EBC Cribas uza be’e mota hodi tein merenda eskola

Add to Comments Here!!!!

error: Content is protected.
Secured By miniOrange
You might also like:
ANATL ho SEPS dada sai ona aviaun Jet hosi pista

Ekipa hosi Autoridade Nasionál Aviasaun Timor-Leste...

Traballadór Seguransa Lorosa’e 468 tinan rua la simu saláriu

Kuaze tinan rua (2) nia-laran la...

Sérgio: Estadu falla regula internet ilegál

Jurista Sérgio Quintas, konsidera, Estadu falla...

Close